Fjárkúgunarmál systranna Hlínar Einarsdóttur og Malínar Brand sem tengist fyrrverandi forsætisráðherra, Sigmundi Davíð Gunnlaugssyni, og þar sem fyrrverandi samstarfsmaður Hlínar kærði hana fyrir að hafa haft af sér 700 þúsund krónur, eru komin í ákæruferli hjá embætti héraðssaksóknara. Þetta staðfestir saksóknari málsins, Kolbrún Benediktsdóttir, við mbl.is.

Tæplega hálft ár er síðan rannsókn á málinu sem tengdist Sigmundi lauk hjá lögreglu, en beðið hefur verið eftir lokavinnslu á hinu málinu í nokkurn tíma. Er rannsókn á því nú lokið. Þar sem málin eru eðlislík eiga sakborningar rétt á því að málin séu tekin saman þegar ákvörðun um ákæru er tekin og því var beðið eftir seinna málinu.

Saksóknari mun nú yfirfara málið og verður ákvörðun um hvort ákæra eigi í málinu eða ekki tekin í framhaldinu. 

Syst­urn­ar Hlín Ein­ars­dótt­ir og Malín Brand voru hand­tekn­ar í lok maí á síðasta ári grunaðar um að hafa sent bréf í pósti til for­sæt­is­ráðherra og kraf­ist þess að hann greiddi þeim til­tekna fjár­hæð. Fjár­mun­ina átti að skilja eft­ir á ákveðnum stað sunn­an Valla­hverf­is­ins í Hafn­ar­f­irði. Þar hand­tók lög­regla kon­urn­ar.

Nokkr­um dög­um síðar voru syst­urn­ar kærðar fyr­ir aðra fjár­kúg­un. Karl­maður kærði þær fyr­ir að hafa haft af sér 700 þúsund krón­ur. Syst­urn­ar sögðu þá pen­inga vera miska­bæt­ur vegna nauðgun­ar en maður­inn á að hafa nauðgað Hlín. Eft­ir að maður­inn kærði fjár­kúg­un­ina kærði Hlín hann fyr­ir nauðgun.

Tengdar fréttir

Fjárkúgun

Hæstiréttur staðfestir dóm yfir Malín

• „Þetta er auðvitað útópískt rugl“
• Málflutningur í máli Malínar
• Malín búin að áfrýja dóminum
• Gert að greiða rúmar 10 milljónir

» Fleiri tengdar fréttir

• Blogga um frétt