Hlaupið sem er í Múlakvísl er minni háttar og er tengt jarðhitavirkni undir Mýrdalsjökli. Ekki er hætta á tjóni enn sem komið er en vel er fylgst með vatnshæð og rafleiðni í ánni. Hlaupið hefur ekki áhrif á ferðir fólk eins og staðan er núna en starfsfólk Veðurstofu Íslands fylgist náið með þróuninni. 

Þetta kemur fram í tilkynningu frá Veðurstofu Íslands. 

„Mælir Veðurstofunnar á Múlakvíslarbrú sýndi stöðuga aukningu rafleiðni í ánni frá ~70 µS / cm til ~180 µS / cm á tímabilinu 20.–21. júní. Hin stöðuga aukning í rafleiðni bendir til að hlaupvatn hafi lekið undan einum katlanna á vatnasvæði Kötlujökuls. Svipaðir smálekar hafa áður komið í Múlakvísl um þetta leyti árs,“ segir einnig í tilkynningunni. 

Ekki er hætta á tjóni enn sem komið er en vel er fylgst með vatnshæð og rafleiðni í ánni. Veðurstofunni hafa ekki borist neinar tilkyningar um brennisteinslykt við þjóðveginn í nágrenni ánna. Eins og staðan er núna hefur þetta ekki áhrif á ferðir fólks, hlaupið getur staðið næstu daga en nýjustu mælingar sýna minnkandi rafleiðni.

Frétt mbl.is: Hlaup hafið í Múlakvísl

Tengdar fréttir

Múlakvísl

Hlaupi í Múlakvísl lokið

• Hlaupið í Múlakvísl í rénun
• Minni gasmengun en hlaupið stöðugt í Múlakvísl
• Varhugavert að staldra við nálægt Múlakvísl
• Hlaupið í Múlakvísl ekki náð hámarki og gæti vaxið

» Fleiri tengdar fréttir

• Blogga um frétt