Samningur sem flugfreyjur hjá Flugfélagi Íslands í Félagi íslenskra flugfreyja skrifuðu undir við flugfélagið hinn 30. júní sl. hefur verið felldur af félagsmönnum með afgerandi hætti.
Af þeim 42 félagsmönnum sem voru kjörgengir felldi 81% samninginn. Að sögn Sigríðar Ásu Harðardóttur, formanns félagsins, verður á næstu dögum kallaður saman félagsfundur og í framhaldinu sest aftur niður við samningaborðið.
mbl.is greindi frá því í síðasta mánuði að slitnað hefði upp úr viðræðunum. Hinn 30. júní lögðu flugfreyjur hins vegar fram tillögu sem var samþykkt af samninganefnd flugfélagsins. Samningurinn var í kjölfarið kynntur félagsfólki, en ljóst er að ekki hefur verið sátt um hann.
Frétt mbl.is: Flugfreyjur sömdu í gærkvöldi
Frétt mbl.is: Kjaraviðræður í strand