„Frjálslyndur hægri krati“

Þorsteinn Víglundsson gerir ráð fyrir að leiða lista Viðreisnar í ...
Þorsteinn Víglundsson gerir ráð fyrir að leiða lista Viðreisnar í öðru hvoru Reykjavíkurkjördæmanna. mbl.is/Ómar Óskarsson

Þorsteinn Víglundsson, fyrrverandi formaður Samtaka atvinnulífsins, tilkynnti í dag að hann muni gefa kost á sér til kjörs á Alþingi fyrir Viðreisn, og lét við það tilefni af störfum hjá SA. Þorsteinn mun bjóða sig fram fyrir flokkinn í Reykjavík og gerir ráð fyrir að leiða listann í öðru hvoru kjördæmanna.

„Það er margt sem býr að baki svona ákvörðun,“ segir Þorsteinn í samtali við mbl.is og kveðst alltaf hafa skilgreint sig sem frjálslyndan hægri krata. „Ég hef alltaf haft mikinn áhuga á pólitík og starf mitt fyrir Samtök atvinnulífsins hefur ekki dregið úr þeim áhuga nema síður sé, enda eru margir snertifletir þar við hið pólitíska starf.“

Þorsteinn segir íslenskt samfélag standa frammi fyrir mörgum stórum ákvörðunum um þessar mundir og það hafi orðið til þess að hann ákvað að láta slag standa.

„Við erum að glíma við stóraukinn kostnað í heilbrigðiskerfinu samhliða öldrun þjóðar og hvernig við ætlum að fjármagna það,“ segir hann og kveður þær ákvarðanir ekki síður snúa að lífeyrismálunum.

„Við erum líka með aðkallandi verkefni sem snúa að því að ná sátt um sjávarútvegsmálin og hvernig við náum samspili í hámarki á nýtingu þeirrar auðlindar, samhliða því að tryggja þjóðinni hlutfall í auðlindarentu án þess að það grafi undan stöðu greinarinnar.“

Það sama megi segja um landbúnaðarmáli. Það sé krefjandi verkefni að tryggja að sá stuðningur sem veittur er í landbúnaðinn leiði til hagræðingar í greininni og að neytendur njóti ábatans í formi aukinnar samkeppni í innflutningi og með bættri samkeppnisstöðu íslensks landbúnaðar.

Alþjóðamálin, þátttaka í alþjóðlegu samstarfi og aðgangur Íslendinga að erlendum mörkuðum séu þá ekki síður mikilvæg. „Það var þetta sem réð úrslitum,“ segir Þorsteinn.

„Þetta voru mál sem mér fannst ég eiga góða samsvörun með því sem hefur verið í gangi hjá Viðreisn og þegar boðið barst þá ákvað ég, eftir að hafa íhugað málið vandlega, að láta slag standa og hella mér út í pólitík.“

mbl.is

Innlent »

Rannsaka á hvaða dýpi kvikan er

21:00 Kvikuinnskot eru líklegasta skýring þeirrar aflögunar sem orðið hefur á Öræfajökli sl. tvö ár að mati Michelle Parks, eldfjallasérfræðings hjá Veðurstofu Íslands. Rannsóknir eru þó enn á frumstigi en vísindamenn vinna nú að því að komast að því á hvaða dýpi kvikan er. Meira »

Telja ákvæði um salerni úrelt

20:35 Dóra Björt Guðjónsdóttir segir reglugerð um húsnæði vinnustaða komna til ára sinna en nýsamþykkt tillaga mannréttinda- og lýðræðisráðs Reykjavíkurborgar um ókyngreind salerni í húsnæði borgarinnar, brýtur í bága við 22. gr. reglugerðarinnar. Meira »

Áhrif hvalveiða verði tekin út

20:15 Fara verður í mat á umhverfisáhrifum og dýraverndunarsjónarmiðum, en einnig samfélagslegum áhrifum og áhrifum á íslenskt efnahagslíf áður en leyfi til hvalveiða verður úthlutað að nýju. Þetta segir Katrín Jakobsdóttir forsætisráðherra. Meira »

„Þetta mun sjást í áratugi“

19:30 „Þetta mun sjást í áratugi,“ segir Páll Gíslason, framkvæmdastjóri Fannborgar ehf. sem rekur ferðaþjónustuna í Kerlingarfjöllum, um náttúruspjöllin sem urðu til vegna utanvegaaksturs tveggja franskra ferðamanna, í samtali við mbl.is. Meira »

Norskur framleiðandi sýnir Íslandi áhuga

18:30 Halldór Gíslason, landbúnaðarstjóri sveitarfélagsins Hå, segir í samtali við mbl.is fóðurskortinn í Noregi alvarlegan og „Norðmenn kaupa allt það hey sem þeir komast yfir.“ Maren Bjorland, hjá Fiskå Mølle staðfestir við blaðamann að fyrirtækið er að skoða innflutning frá Íslandi. Meira »

Hjólhýsi valt út af Vesturlandsvegi

18:21 Bíll með hjólhýsi í afturdragi fauk út af Vesturlandsvegi á Kjalarnesi á sjötta tímanum í kvöld. Enginn slasaðist en hjólhýsið er illa farið, brotið að framan og dót fokið úr því. Ökumaður og kona hans voru á leið út úr bænum þegar snörp vindhviða feykti bílnum yfir á öfugan vegarhelming og þaðan út í vegkant. Meira »

Þyrla flutti slasaðan hestamann

18:19 Kona féll af hestbaki í reiðtúr við Löngufjörur á sunnanverðu Snæfellsnesi og hlaut áverka. Þyrla Landhelgisgæslunnar var kölluð til ásamt björgunarsveitum af öllu Vesturlandi. Konan var flutt með þyrlu á Landspítala til skoðunar. Meira »

Ríkisstjórnin ekki rætt lög á ljósmæður

18:00 Ekki hefur komið til tals að setja lög á yfirvinnubann ljósmæðra, sem tekur gildi á miðnætti aðfaranótt miðvikudags. Þetta segja bæði Svandís Svavarsdóttir heilbrigðisráðherra og Katrín Jakobsdóttir forsætisráðherra í samtali við mbl.is. Meira »

Þjónustukort Byggðastofnunar kynnt

17:41 Vefsjáin thjonustukort.is var opnuð í dag og er það fyrsti áfangi í þróun þjónustukortsins sem nær yfir þjónustu á sviði löggæslu-, fræðslu- og heilbrigðismála. Ríkisstjórnin hefur samþykkt að tryggja frekari öflun gagna og samræmingu til þess að haldið verður áfram með verkefnið. Meira »

Ártúnsbrekka malbikuð

17:22 Malbikunarframkvæmdir hefjast í Ártúnsbrekku í kvöld, í aksturstefnu í átt að miðborg Reykjavíkur. Tvær akreinar verða malbikaðar í kvöld og nótt og ein til viðbótar á morgun. Vegarendur eru beðnir um að sýna aðgát. Meira »

Fjölgi nýbyggingum með niðurgreiðslum

16:45 Íbúðalánasjóður mun leita að þremur sveitarfélögum í tilraunaverkefni til að auka húsnæðisuppbyggingu á landsbyggðinni. Ásmundur Einar Daðason, félags- og jafnréttismálaráðherra, segir verkefnið að norskri fyrirmynd. Meira »

Kjaradeila ljósmæðra „mikið áhyggjuefni“

16:03 Landlæknir, Alma D. Möller, lýsir alvarlegum áhyggjum vegna stöðunnar í kjaradeilu ljósmæðra og ríkisins í tilkynningu til fjölmiðla. Embættið segir stjórnendur Landspítala telja sig geta tryggt öryggi sjúklinga með herkjum þar sem óljóst er hvenær næsta álagstímabil starfsfólks verði. Meira »

Verið á óvissustigi frá því í haust

15:21 Rýmingaráætlun fyrir sveitirnar í nágrenni Öræfajökuls er tiltölulega ný af nálinni og á að ná vel til bæði heimamanna og ferðamanna á svæðinu. Þetta segir Sveinn Kristján Rúnarsson, yfirlögregluþjónn á Suðurlandi, í samtali við mbl.is. Meira »

Forsetinn mætti í afmæli Karólínu

14:55 Karólína Björk Steinþórsdóttir varð sjö ára gömul á laugardaginn og var haldin afmælisveisla af því tilefni. Karólína útbjó myndarlegan gestalista og ákvað að bjóða forseta Íslands í afmælisveisluna. Henni til mikillar undrunar mætti forsetinn með fjölskyldu sína í veisluna. Meira »

Greiddu sektina og báðust afsökunar

13:53 Er­lendu ferðamennirnir sem gerðust sekir um ólöglegan utanvegaakstur í gærkvöldi mættu á lögreglustöðina á Selfossi nú fyrir stuttu og greiddu sekt sem þeim var gerð vegna þeirra náttúruspjalla sem aksturinn olli. Hvor ökumaður þurfti að greiða 200 þúsund krónur. Meira »

Samfylkingin leitar að framkvæmdastjóra

13:07 Samfylkingin – jafnaðarmannaflokkur Íslands, hefur auglýst eftir umsækjendum um starf framkvæmdastjóra flokksins. Í auglýsingunni kemur fram að framkvæmdastjórinn beri ábyrgð á daglegum rekstri flokksins og fjárreiðum auk þess að efla aðildarfélög og grasrót félagsins. Meira »

Leyfilegt magn áfengis í blóði lækkað

12:40 Leyfilegt hámarksmagn vínanda í blóði ökumanns verður lækkað úr 0,5 prómillum í 0,2 prómill samkvæmt nýju frumvarpi til umferðarlaga og er kveðið á um bann við að afhenda eða selja ökumanni eldsneyti sé hann undir áhrifum áfengis eða ávana- eða fíkniefna. Meira »

Lög á yfirvinnubann kæmu ekki á óvart

11:42 Katrín Sif Sigurgeirsdóttir, formaður samninganefndar ljósmæðra, segist ekki hafa áhyggjur af því að lög verði sett á yfirvinnubann ljósmæðra, sem taka á gildi aðfaranótt miðvikudags. Slíkt kæmi þó ekki á óvart með hliðsjón af sögunni. Meira »

Býðst að ljúka málinu með sektargreiðslu

11:15 Erlendu ferðalöngunum sem festu bíla sína í drullu eftir utanvegaakstur í gær býðst nú að ljúka málinu með greiðslu sektar, segir Elís Kjartansson lögreglufulltrúi í samtali við mbl.is. Meira »