Einstök reynsla og mjög jákvæð

Agnieszka og Dawid Dawbrowski komin aftur heim til Póllands eftir ...
Agnieszka og Dawid Dawbrowski komin aftur heim til Póllands eftir fimm ára dvöl á Íslandi. mbl.is/Guðrún Vala

Dawid og Agnieszka Dawbrowski komu til Íslands í október 2006 eins og fjölmargir aðrir Pólverjar á þeim tíma. Erindið var að sjálfsögðu að vinna hérlendis, en þau vissu ekki margt um landið áður en þau komu annað en að hér væri kalt.

Dawid fékk vinnu í byggingariðnaði og Agnieszka á leikskóla og þau settust að í Borgarnesi. Hér bjuggu þau í fimm ár en eru flutt aftur til Póllands, þar sem þau búa ásamt tveimur börnum sínum, Lukasz og Sosju, í bænum Tarnowskie Góry sem er rétt norðan við Katowice. Fréttaritari leit við hjá þeim í Póllandi í sumar og forvitnaðist um líf þeirra eftir veruna á Íslandi.

„Okkur líkaði vel að búa á Íslandi, fólkið þar er opið, hjálpsamt og afslappað. Þar er minna stress en hér. Landslagið er auðvitað stórkostlegt og frábært að búa í svona mikilli nálægð við náttúruna. Auk þess er kynding húsa ódýr og heita vatnið er dásamlegt, sérstaklega líkaði okkur heitu pottarnir á Íslandi.“

Þau segjast þó aldrei alveg hafa vanist lyktinni af vatninu frekar en veðurfarinu.

,,Á Íslandi er of lítið sólskin og oft rok, og það er nú eiginlega vindurinn sem minnir okkur mest á Ísland. Svo var verð á ýmsum vörum alveg ótrúlega hátt og okkur fannst innfluttir ávextir bragðast ólíkt því sem við áttum að venjast. En auðvitað er það einstök reynsla að hafa búið á Íslandi og mjög jákvæð.“

Launin tvöfalt hærri á Íslandi

Þau eru sammála um að lífsskilyrðin hafi verið góð. „Launin á Íslandi voru alveg tvöföld á við launin hér og möguleiki á að margfalda þau ef maður vann yfirvinnu, en eftir hrunið breyttist það og varð ekki mikið betra en í Póllandi. Hins vegar er velferðarkerfið mun betra á Íslandi.“

Ásamt því að vinna fulla vinnu á leikskólanum og vinna aðra hvora helgi í Hyrnunni kenndi Agnieszka fimleika í Borgarnesi og var í fjarnámi við háskóla í Póllandi. Hún flaug út á á nokkurra vikna fresti á hverri önn til að taka próf og skila verkefnum og lauk á endanum meistaraprófi í bókhaldsfræðum. Dawid spilaði og æfði knattspyrnu með Skallagrími og bæði lyftu þau lóðum í íþróttahúsinu. Það má því segja að þau hafi haft nóg að gera.

En hvernig gekk þeim að læra íslensku? Agnieszka segist hafa lært talsvert í íslensku þegar hún vann á leikskólanum.

„Ég tók nokkur íslenskunámskeið hjá Símenntunarmiðstöðinni á Vesturlandi sem nýttust vel og ég tala íslensku ennþá ef ég fæ tækifæri til,“ segir hún, en Dawid fór á nokkur námskeið líka og vann með Íslendingum. „Í fótboltanum lærði ég alls konar týpísk fótboltaorð, en fæst annað situr eftir. Íslenskan er ólík okkar málumhverfi og það var ekki auðvelt að læra hana,“ segir Dawid.

Börnin Sosja og Lukasz Dawbrowski glöð með „þjóðarrétt“ Íslendinga, Prins ...
Börnin Sosja og Lukasz Dawbrowski glöð með „þjóðarrétt“ Íslendinga, Prins póló. Lukasz fæddist á Íslandi en Sosja í Póllandi. mbl.is/Guðrún Vala

Heimþrá eftir fæðingu sonarins

Eftir hrunið var eins og áður sagði ekki svo mikill munur lengur á laununum og þau fóru að velta því fyrir sér að fara aftur til Póllands.

„Við hugsuðum um hvað við fengjum út úr því að vera lengur, þetta snýst jú oftast um peninga, en tíminn líður hratt og við urðum að ákveða hvað við ætluðum með framtíð okkar og tryggja hana sem best. Við urðum að ákveða okkur og það var annaðhvort að setjast að á Íslandi eða snúa aftur heim. Það sem gerði útslagið var fæðing Lukaszar sonar okkar, en eftir að hann fæddist fengum við mikla heimþrá og söknuðum fjölskyldunnar heima. Við vildum að hann fengi að kynnast fólkinu sínu, og við vildum ekki heldur missa af ýmsum fjölskylduviðburðum enda mikil vegalengd frá Íslandi til Póllands. Þetta var ekki auðveld ákvörðun, sérstaklega þegar maður er búinn að vera lengi og er orðinn hluti af samfélaginu eins og við vorum orðin í Borgarnesi.“

Þau fluttu heim til Póllands í október 2011 og höfðu þá búið á Íslandi í fimm ár. „Það var góður skóli að vera á Íslandi og okkur finnst við hafa styrkst við þá reynslu. Ef þú getur lært íslensku getur þú gert allt sem þú vilt,“ segja þau brosandi. „En það var alls ekki auðvelt að byrja að vinna á vinnustað þar sem enginn skilur málið þitt og maður skilur ekki mál samstarfsmannanna. Eins er erfitt að búa þar sem ríkir kolniðamyrkur á veturna, en við erum bara sterkari eftir þetta og margt er okkur auðveldara viðfangs núna.“

Húsið sem Dawid og Agnieszka reistu sér í bænum Tarnowskie ...
Húsið sem Dawid og Agnieszka reistu sér í bænum Tarnowskie Góry, rétt norðan við Katowice, eftir að hafa komið aftur heim til Póllands. mbl.is/Guðrún Vala

Margt hefur breyst í Póllandi

„Okkur leið vel að koma til baka, að hitta alla aftur og hér eigum við heima,“ segja þau. Agnieszka fór að vinna við bókhald, en hún hafði eins og áður segir lokið háskólanámi. Dawid fékk vinnu sem verkefnastjóri hjá stóru fyrirtæki sem sér um ýmsar tæknilausnir í stóriðju, og nýtir þar menntun sína í verkfræði.

„Við höfum það nokkuð gott og eftir að yngra barnið okkar fæddist, hún Sosja, ákváðum við að byggja okkur hús með litlum garði þar sem börnin gætu leikið sér úti og við ræktað matjurtir til heimilisins. Það var fyrir tveimur árum og við erum enn að vinna við það allt saman.“ Þau hafa byggt húsið að mestu leyti sjálf ásamt hjálp frá föður Agnieszku.

Þau segja að margt hafi breyst í Póllandi á síðustu árum.

„Til dæmis má segja að hér hafi orðið nokkurs konar pólitískur jarðskjálfti, ríkisstjórnin hefur of mikil völd og stjórnarandstaðan hefur ekki nægilega mörg atkvæði til að stoppa nein mál. Við vonum að eitthvað breytist til batnaðar fyrir hinn almenna borgara en þangað til getum við að minnsta kosti glaðst yfir góðu gengi í pólska fótboltanum, en landsliðið er orðið mjög sterkt alveg eins og íslenska liðið.“

Agnieszka og Dawid vilja koma til skila þakklæti af öllu hjarta til allra á Íslandi sem studdu þau og hjálpuðu þeim. „Við munum aldrei gleyma tímanum sem við áttum þar eða fólkinu sem við kynntumst og erum þakklát fyrir þann tíma sem við áttum saman, mikilvæga reynslu og menntun.“

Kauptu vikupassa

Lestu meira með vikupassa!

Fáðu þér vikupassa fyrir 1.790 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

Innlent »

Aukin sjálfsvígstíðni vakti Sævar til umhugsunar

08:18 „Ég var ekki viss til að byrja með hvaða samtök ég ætlaði að hlaupa fyrir en þegar ég fór að kynna mér málið fannst mér þetta félag höfða mest til mín,“ segir Sævar Skúli Þorleifsson, sem mun hlaupa í Reykjavíkurmaraþoninu til styrktar Pieta-samtökunum. Hann glímdi við vanlíðan um tvítugt og talar nú opinskátt um það í fyrsta skipti, 34 ára. Meira »

Rafræn gátt fyrir dómsskjöl opnuð

07:57 Mikil tímamót urðu í dómstólasögunni 10. júlí sl. þegar fyrsta ákæran ásamt gögnum frá héraðssaksóknara fór til Héraðsdóms Reykjavíkur í gegnum rafræna gátt. Meira »

Óku á og stungu af

07:40 Tilkynnt var um tvo árekstra í Kópavogi í gærkvöldi, annan á sjöunda tímanum og hinn á áttunda tímanum, en í báðum tilfellum höfðu þeir sem ollu árekstrunum stungið af frá vettvangi. Meira »

Hlíðarendi ofan í þotunum

07:37 Húsin á Hlíðarenda í Vatnsmýri rísa hratt um þessar mundir. Verktakar og vinnuvélar í tugatali eru að störfum en samkvæmt deiliskipulagi er gert ráð fyrir um 600 íbúðum á svæðinu. Meira »

Víða þokubakki nú í bítið

07:20 Hlýtt og rakt loft er yfir landinu, víða rigndi síðustu nótt sem leiðir til þokubakka sem finna má víða nú í bítið, einkum þar sem vindur andar af hafi. Meira »

Drakk áfengi í strætó

06:57 Strætóbílstjóri óskaði eftir aðstoð lögreglu á tólfta tímanum í gærkvöldi vegna ölvaðs manns sem drakk áfengi í vagninum og neitaði að yfirgefa vagninn. Lögreglan ók manninum heim til sín. Meira »

Eldur í rusli við Álfhólsskóla

06:31 Slökkviliðinu á höfuðborgarsvæðinu barst tilkynning um eld í ruslagámum við Álfhólsskóla í Kópavogi um miðnætti í gær.   Meira »

Beittu táragasi gegn lögreglu

06:05 Tveir eru í haldi lögreglunnar á Norðurlandi vestra eftir að táragasi var beitt gegn lögreglumönnum er þeir framkvæmdu leit í hjólhýsi og bifreið. Meira »

Skógræktin vill vita af skaðvöldum

05:30 „Birkikemba virðist vera í blússandi uppsiglingu, sérstaklega á suðvesturhorninu,“ sagði Edda Sigurdís Oddsdóttir, sviðsstjóri rannsóknasviðs Skógræktarinnar á Mógilsá. Meira »

Áhyggjur af stöðunni

05:30 Herdís Storgaard, verkefnastjóri hjá Miðstöð slysavarna barna, hefur varað við töppum af drykkjarílátum og svokölluðum skvísum. Tilkynningum um tilfelli þar sem börn setja upp í sig hluti sem loka öndunarveginum hefur fjölgað. Meira »

Öryggi ábótavant í kirkjum landsins

05:30 Öryggi kirkna og kirkjugripa á Íslandi er ábótavant að mati Þórs Magnússonar þjóðminjavarðar. Hann segir hættu á að óhlutvant fólk ásælist og taki gripi úr kirkjum, enda hafi það gerst. Meira »

Andlát: Þorsteinn Ingi Sigfússon

05:30 Dr. Þorsteinn Ingi Sigfússon, prófessor og forstjóri Nýsköpunarmiðstöðvar Íslands, varð bráðkvaddur aðfaranótt 15. júlí, 65 ára að aldri. Meira »

Geta opnað leiðina til Asíu

05:30 Vincent Tan, sem fer fyrir félaginu sem keypt hefur 75% hlut í Icelandair Hotels, segir mikla möguleika fólgna í því að tengja ferðamarkaðinn á Íslandi betur við Asíu. Meira »

Var söluhæsti leikur í heimi í meira en ár

05:30 Tölvuleikurinn The Machines, sem íslensk-kínverska tölvuleikjafyrirtækið Directive Games þróaði og gaf út árið 2017, var í eitt og hálft ár söluhæsti leikur í heimi á sviði blandveruleika, að sögn Atla Más Sveinssonar, forstjóra og stofnanda fyrirtækisins, sem er í viðtali í ViðskiptaMogganum í dag.. Meira »

Einn greindist með mislinga í Reykjavík

05:30 Fullorðinn einstaklingur sem búsettur er á höfuðborgarsvæðinu greindist með mislinga fyrir nokkrum dögum eftir að hafa verið á ferðalagi í Úkraínu, þar sem mislingafaraldur hefur geisað á undanförnum árum. Meira »

Töluverðar líkur á þrumum og eldingum

Í gær, 22:41 Töluverðar líkur eru á þrumur og eldingum á Suður- og Vesturlandi á morgun eftir hádegi, að því er fram kemur á Facebook-síðu Heilbrigðisstofnunar Suðurlands. Þar er fólki bent á að fara strax upp úr sundlaugum og heitum pottum ef það verður vart við þrumuveður. Meira »

„Ekki útskrifuð og áfram er fylgst með“

Í gær, 22:19 „Hún er ekki útskrifuð og áfram er fylgst með henni,“ segir Áslaug Fjóla Magnús­dótt­ir, móðir tæp­lega þriggja ára stúlku, sem hlaut nýrna­bil­un eft­ir að hafa smit­ast af E.coli í Efsta­dal um miðjan júní en ein­kenn­in komu fram í lok júní. Meira »

„Óvenjuvillandi“ framsetning

Í gær, 21:10 Dagur B. Eggertsson, borgarstjóri Reykjavíkur, segir frétt á vef Hringbrautar um að hann hafi þegið miða á tónlistarhátíðina Secret Solstice fyrir tæpa hálfa milljón króna „óvenjuvillandi“ þar sem reynt er að „gera hluti tortryggilega“. Þetta kemur fram í nýrri Facebook-færslu hans um tónlistarhátíðina. Meira »

Álagningarskrá tekur breytingum í ár

Í gær, 20:59 Allar líkur eru á því að engar upplýsingar verði í álagningarskrá RSK um bætur einstaklinga. Þá verða ekki birtar upplýsingar um útvarpsgjald, en upplýsingar um tekjuskatt og útsvar verða á sínum stað. Þetta segir Snorri Olsen ríkisskattstjóri í samtali við mbl.is. Meira »
Leiga, herb. hús, við Gullna hringinn..
Studio herb. með sérbaði og eldunaraðstöðu, hlýleg og kósí, 5 mínútur frá Gey...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
Barnakerra
Til sölu Emmaljunga barnakerra..(Kerruvagn) Vel með farinn.. Tilboð óskast...Sí...
ÞÝSKAR KERRUR _ FJÖLNOTA OG MEÐ STURTUM
L: 251,305,405,502,611 x B: 153,178,183,203,223 cm, burður 1350 til 3500 kg. Stu...