Stjórn og formenn svæðafélaga Skólastjórafélags Íslands lýsa yfir þungum áhyggjum af fjárhagsstöðu margra grunnskóla í landinu nú á haustdögum. Þeir segja að óraunhæfar fjárúthlutanir til grunnskóla og niðurskurður allt frá hruni leiði til skerðingar á lögbundinni þjónustu skólanna.

Þetta kemur fram í ályktun sem var samþykkt í gær.

Þar segir ennfremur, að mörg sveitarfélög hafi forgangsraðað í þágu nemenda við gerð fjárhagsáætlana en önnur hafi á síðustu árum skorið niður fjármagn til reksturs skólanna.

„Þetta virðist einkum eiga við nokkur af stærstu sveitarfélögunum. Má þar meðal annars nefna að í höfuðborginni er að mati SÍ notað óraunhæft og úrelt reiknilíkan til að deila út fjármunum til grunnskólanna. Þá hefur launakostnaður vegna sérkennslu og stuðnings við nemendur ekki verið bættur að fullu. Jafnframt er gerð krafa um að halli verði greiddur upp á næstu tveimur árum. Á þetta hafa skólastjórar ítrekað bent án þess að gerðar hafi verið úrbætur af hálfu borgarinnar.“

Loks segir, að það sé mikilvægt að nemendur njóti grunnþjónustu og að skólastjórum sé gert kleift að sinna lögbundinni þjónustu með raunhæfum fjárhagsáætlunum sem lúti að því að efla faglegt skólastarf með hagsmuni nemenda að leiðarljósi.

Tengdar fréttir

Fjármál leik- og grunnskóla

Hækkun fæðisgjalda samþykkt í borgarstjórn

• Þörf á nýjum lausnum í ráðningarmálum
• Borga fyrir meiri mat en börnin fá
• Möguleg áhrif á samninga
• Styrkir starfsmenn til kennaranáms

» Fleiri tengdar fréttir

• Blogga um frétt