Borgarstjórn Reykjavíkur samþykkti í gær að frá og með 1. október 2016 hækki fæðisgjald í leik- og grunnskólum borgarinnar um 100 krónur á dag. Hækkunin mun alfarið renna til skólamötuneyta í kaup á hráefni.  

Fram kemur í tilkynningu frá borgaryfirvöldum, að með þessu ætti að skapast svigrúm til að auka gæði matarins verulega.

Þá segir, að breytingin hafi það í för með sér að fæðisgjald vegna barna í leikskóla sem séu skráð í  sjö til níu klukkustundir á dag hækki úr 8.320 krónum á mánuði í 10.480 krónur á mánuði.

Verð fyrir máltíðir nemenda í grunnskólum borgarinnar hækki úr 7.100 krónum í 9.270 á mánuði.

„Framlag Reykjavíkur verður með þessu sambærilegt framlögum sveitarfélaga sem leggja mest í hráefnisframlög til skólamötuneyta. Leikskólagjöld og önnur gjöld vegna skólagöngu barna verða áfram með þeim lægstu á landinu,“ segir í tilkynningu.

Tengdar fréttir

Fjármál leik- og grunnskóla

Þörf á nýjum lausnum í ráðningarmálum

• Borga fyrir meiri mat en börnin fá
• Hafa áhyggjur af fjárhagsstöðu grunnskóla
• Möguleg áhrif á samninga
• Styrkir starfsmenn til kennaranáms

» Fleiri tengdar fréttir

• Blogga um frétt