Bjarni Benediktsson, efnahags- og fjármálaráðherra, segir að breytingar á lögum um almannatryggingar hafi verið gerðar í mjög víðtækri sátt, og meðal þess sem ákveðið hafi verið, hafi verið að hækka lífeyristökualdurinn upp í 70 ár.

Þetta sagði ráðherra í tilefni af gagnrýni Gylfa Arnbjörnssonar, forseta ASÍ, sem sakaði ríkisstjórnina um „fullkomin svik“ á Facebook-síðu sinni fyrir helgi varðandi hækkun lífeyrisaldurs úr 67 árum í 70 ár eins og gert hafi verið ráð fyrir í breytingum ríkisstjórnarinnar á frumvarpi um almannatryggingar sem tilkynnt var um sl. föstudag.

„Í nefndarstarfinu lögðum við áherslu á að þessi breyting myndi gerast á 12 árum, en Alþýðusambandið og fleiri vildu að breytingin gerðist á 24 árum,“ sagði fjármálaráðherra í samtali við Morgunblaðið í gær. Bjarni segir að í gagnrýni sinni hafi forseti ASÍ í raun verið að tala um tvö ólík mál, annars vegar lífeyrissjóðakerfið eins og það er á almenna markaðnum og opinbera markaðnum og hins vegar almannatryggingar, sem væru öryggisnet á bak við lífeyrissjóðakerfið, ef það dygði ekki til.

Tengdar fréttir

Lífeyrismál

Taka á sig 11% lækkun

• Eiga að vera áhyggjulaus ævikvöld, ekki áhyggjufull
• „Markaðirnir voru ekki gjöfulir“
• Besta lífeyriskerfið á Íslandi
• Gild rök fyrir fækkun lífeyrissjóða

» Fleiri tengdar fréttir