Með barnið á brjósti í ræðustól

Unnur Brá Konráðsdóttir, þingmaður Sjálfstæðisflokksins, var með nýfædda dóttur sína á brjósti þegar hún mætti í ræðustól á Alþingi í dag.

Þar fór fram atkvæðagreiðsla um útlendingalög.

Barnið var hið rólegasta á meðan á ræðu Unnar stóð. 

Unnur Brá og kærasti hennar, Sigurður Ingi Sigurpálsson, eignuðust dótturina 1. september.

Fyrir á Unnur Brá tvö börn sem eru fædd 2004 og 2008. 

Frétt mbl.is: Unnur Brá eignast dóttur 

„Fallegt móment“ 

Samfylkingarkonan Margrét Gauja Magnúsdóttir, sem er varamaður á Alþingi fyrir Katrínu Júlíusdóttur, tjáði sig um atvikið á Facebook-síðu sinni. Þar sagðist hún sjálf hafa verið með börnin sín á brjósti á bæjarstjórnarfundum. 

Dóttir Unnar var einnig með henni í för á ráðstefnunni Arctic Circle og á fundi sem var haldinn í Háskóla Íslands um leiðtogafundinn hér á landi. 

• 1 blogg um fréttina

Bloggað um fréttina

• S i g u r ð u r S i g u r ð a r s o n: Unnur Brá og jafnréttisumræðan