Náttúrufræðistofnun Íslands sleppti fyrr í mánuðinum tveimur ársgömlum fálkum lausum eftir að þeir höfðu verið hýstir í Húsdýragarðinum síðustu mánuði. Um var að ræða kvenfugla sem var bjargað í sumar „grútarblautum“ eins og það er orðað í Facebook-færslu Náttúrufræðistofnunar.

Þar kemur fram að á hverju ári sé tilkynnt um sjúka eða meidda fálka til Náttúrufræðistofnunar. Komist þessir fuglar undir mannahendur er reynt að hlúa að þeim og lækna.

„Áður voru þessir fuglar hýstir á Náttúrufræðistofnun meðan þeir biðu bata en síðustu 15 árin hefur Húsdýra- og fjölskyldugarðurinn séð um þessa hlið mála. Í Húsdýragarðinum eru allar aðstæður góðar til að halda fuglana og áhugasamt starfsfólk,“ segir í færslunni en þar voru fuglarnir þrifnir og fitaðir upp. 

„Hlutverk okkar á NÍ hefur verið meira að hafa milligöngu um að koma fuglunum í örugga höfn og síðan að bataferlinu loknu að meta hvort þeir séu hæfir til að þeim sé sleppt eða ekki og svo að gefa þeim frelsi.“

Á meðfylgjandi myndbandi má sjá þegar fálkunum var sleppt en það var gert nærri Bláfjöllum. Tókst það vel í alla staði samkvæmt færslu Náttúrufræðistofnunnar.

Tengdar fréttir

Íslenska dýraríkið

Velja íslenskt hafsvæði í stað þess karabíska

• „Verulega óvenjulegt og ótrúlega merkilegt“
• „Fer að verða eins og heimilisköttur“
• Sterkur viljinn til að standa á eigin fótum
• Einn eftirminnilegasti dagurinn á ævi Tómasar

» Fleiri tengdar fréttir

• Blogga um frétt