Er Íþróttaálfurinn heima?

Dýri Kristjánsson.
Dýri Kristjánsson. mbl.is/Ásdís Ásgeirsdóttir

Dýri Kristjánsson stendur oft meira á höndum en fótum. Á daginn er hann skuldabréfastjóri en síðastliðinn áratug hefur hann starfað við það í hjáverkum að vera Íþróttaálfurinn. Fyrir honum er þessi blanda af störfum fullkomin og í símaskránni ber hann tvo titla: hagfræðingur og íþróttaálfur. 

Það er stundum hringt á bjöllu hjá fjölskyldunni í Hafnarfirði og spurt eftir Íþróttaálfinum; hvort hann megi koma út að leika. Þar býr hann nefnilega, Dýri Kristjánsson, sem leikið hefur Íþróttaálfinn í heilan áratug. Reyndar segist hann

vera

Íþróttaálfurinn því hann finnur sig vel í hlutverkinu. Hann fær útrás fyrir fimleikaþörfina en um leið hjálpar hann og skemmtir börnum sem er hans hjartans mál.

Dýri og Ingibjörg eiga Elísabetu Leu saman en fyrir átti ...
Dýri og Ingibjörg eiga Elísabetu Leu saman en fyrir átti Ingibjörg Lönu Björk og Birki Thor. mbl.is/Ásdís Ásgeirsdóttir

Dýri segist standa á höndum næstum jafn mikið og á fótunum. Það er orðið að fjölskyldusporti og stunda þau það saman, að standa á höndum víðs vegar um húsið í ýmsum aðstæðum. Með útsýni yfir Heiðmörkina fáum við okkur kaffi og ræðum þetta handstandandi líf.

Stundum kallaður Animal

Maðurinn með óvenjulega nafnið situr við tölvu alla daga. En hann á sér annað líf og fjörugra. Hann hefur komið fram sem Íþróttaálfurinn í kringum þúsund sinnum.

Spurður út í nafnið segir Dýri það vera úr Dýrafirði, og bar afi hans nafnið. „Það eru sjö á landinu sem heita Dýri, það er ekki algengt nafn,“ segir hann og segist ekki hafa orðið fyrir aðkasti vegna nafnsins. „Það var auðvitað alveg gert grín að þessu en ekkert meira en öðrum var strítt. Ég hef stundum reynt að gera grín að nafninu á undan öðrum,“ segir hann en í Bandaríkjunum var hann stundum kallaður Animal.

Hagfræðinám og fimleikar

Dýri segist vera mikill Bandaríkjamaður enda fæddur þar í landi í Conneticut-ríki árið 1980 en þar var faðir hans við nám í læknisfræði á níunda áratugnum. Hann er í miðið af fimm systkinum og segir alltaf hafa verið mikið fjör á heimilinu.

Dýri og Ingibjörg eru flott hér.
Dýri og Ingibjörg eru flott hér.

Þegar heim var komið árið 1985 flutti fjölskyldan í Breiðholtið þar sem Dýri sleit barnsskónum en eftir grunnskóla fór hann í Menntaskólann í Reykjavík. Þaðan lá leiðin aftur til fyrirheitna landsins en Dýri er með tvöfalt ríkisfang. Hann stundaði þar hagfræðinám við Háskólann í Minnesota í Minneapolis. „Það var tvennt sem dró mig þangað. Ég vildi halda áfram í fimleikum, en ég hafði alltaf verið í fimleikum og ég vildi halda áfram að æfa og keppa. Það hefði verið heldur erfitt hér. Svo vildi ég alltaf fara aftur til Bandaríkjanna þannig að í stúdentsgjöf fékk ég frá foreldrum mínum ferð til að heimsækja fjóra háskóla og á endanum valdi að fara til Minneapolis. Þar keppti ég fyrir háskólann sem var frábær lífsreynsla. Bæði lærði ég mikið í skólanum en umfram allt lærði ég mikið í lífinu, að sjá um mig sjálfur. Þarna þurfti maður að standa á eigin fótum,“ segir hann og útskýrir að á þeim tíma hafi ekki verið jafn auðvelt að hafa samband heim og núna. Dýri naut sín vel í Bandaríkjunum við nám og fimleikaiðkun en hann var í fimleikaliði skólans og keppti víða.

Störfin alveg gjörólík

Eftir tæp fimm ár þar ytra flutti Dýri heim með hagfræðigráðuna í farteskinu og reynslunni ríkari. Hann fékk strax vinnu í bankageiranum. „Alla mína vinnutíð hef ég starfað hjá Arion banka og forverum hans,“ segir Dýri sem er nú sjóðsstjóri hjá Stefni, dótturfyrirtæki Arion banka þar sem hann stýrir skuldabréfasjóðum. „Hljómar gjörsamlega á hinum endanum við hitt starfið mitt!,“ segir hann og hlær.

Dýri Kristjánsson.
Dýri Kristjánsson. mbl.is/Ásdís Ásgeirsdóttir

„Það myndast ákveðið jafnvægi, án þess að vera of dramatískur þá held ég að ég myndi brjálast ef ég væri bara við tölvuna endalaust. Og eins frábært og Íþróttaálfsstarfið er þá tekur það virkilega á. Líkamlega og líka andlega. Það geta verið erfiðar skemmtanir. Mér finnst mjög gaman að heimsækja barnaspítalann, krakka sem minna mega sín og það er alls ekki auðvelt.“

Gömul risaeðla hjá Gerplu

Dýri byrjaði tíu ára að æfa fimleika hjá Gerplu og er ekki hættur enn. „Ég lít ekki á það þannig að ég sé hættur þótt ég æfi ekki nóg til að keppa. En ég fer enn í Gerplu, er orðin gömul risaeðla þar. Er með góðfúslegt leyfi til að mæta þegar mér hentar,“ segir Dýri og brosir.

Hann er alltaf tilbúinn með tösku í bílnum til að skreppa á æfingu eftir vinnu og finnst það alltaf jafn gaman. „Síðastliðin ár hefur það breyst þar sem ég er kominn með fimm manna fjölskyldu sem samanstendur af Ingibjörgu [Sveinsdóttur] kærustu minni, Lönu Björk 13 ára fimleikastúlku, Birki Thor 10 ára fótbolta- og handboltastrák og Elísabetu Leu sem er 2 ára. Minn æfingasalur er núna hér á gólfinu,“ segir hann og bendir á stofugólfið. Dýri segist gjarnan gera armbeygjur og heljarstökk með allri fjölskyldunni.

Alla tíð keppti Dýri mikið heima og erlendis. „Frá því að ég var fjórtán ára keppti ég svona tvisvar á ári, á Norðurlandamótum og Evrópumótum. Ég fór tvisvar á heimsmeistaramót, einu sinni í Kína og einu sinni í Los Angeles,“ segir hann. „Ég man þegar ég fór á fyrsta Norðurlandamótið mitt, um fjórtán, fimmtán ára. Þá ætluðum við að sigra heiminn. En svo sáum við hina strákana. Og við vorum alls ekkert frambærilegir miðað við þá. Við vorum nánast aðhlátursefni, ég trúi ekki að ég sé að segja þetta um sjálfan mig, þeir voru svo miklu betri. En þá komum við til baka ákveðnir í að bæta okkur. Og nokkrum árum síðar vorum við farnir að lenda á verðlaunapalli af og til,“ segir Dýri. „Við náðum þeim að vissu marki, en þegar komið var í Evrópumót og heimsmeistaramót var erfitt fyrir okkur að bera okkur saman við rússenska og kínverska stráka sem æfðu í fimleikaskólum frá unga aldri. En við náðum góðum árangri og ég komst að í háskóla í fimleikum, og var fyrsti íslenski strákurinn til að gera það. Og var fyrirliði liðsins síðasta árið,“ segir hann.

Bing Bang dans á hálftíma

Latabæjarævintýrið hans Dýra hófst árið 2006. „Það eru alveg tíu ár síðan! Það vildi þannig til að það var verið að taka upp þættina og í þáttunum þarf Íþróttaálfurinn að fara á milli staða og er oftast í einhverjum heljarstökkum og flikkflökkum. Það hefði verið heldur mikil áhætta að láta Magga Scheving gera þetta allt. Enda er hann sá sem bjó til Latabæ og er hugmyndasmiðurinn, aðalleikari og leikstjóri. Þá var farið í það að finna mann sem hentaði og væri svipaður í vexti og hann,“ útskýrir Dýri og var hann þá valinn í starfið.

Upphaflega var Dýri að stökkva fyrir myndavélina og voru stökkin klippt inn í þættina. „Þegar Maggi sleit upphandleggsvöðva átti hann að vera að skemmta í London. Þá var ég reyndar í Grikklandi en ég fékk símtal um hvort ég vildi stökkva inn fyrir hann. Þannig að ég kom heim og Selma Björns kenndi mér Bing Bang dansinn á hálftíma,“ segir Dýri sem hélt svo af stað til London. „Það heppnaðist bara vel og þá byrjaði ég að fá einstaka skemmtanir erlendis og boltinn byrjaði að rúlla hægt og rólega. Svo árið 2010 kom upp sú hugmynd að skemmta á leikskólum landsins, að fá Íþróttaálfinn í heimsókn og það heppnaðist mjög vel. Ég er auðvitað hagfræðingur þannig að ég er með excel-skjal yfir þetta allt! Ég er kominn vel yfir eitt þúsund skemmtanir á þessum tíu árum. Það voru vel yfir 120 skemmtanir á ári síðastliðin ár. Það er þriðji hver dagur, nánast,“ segir Dýri en aðalvinna Íþróttaálfs er um helgar. Lana Björk, stjúpdóttir Dýra, kemur oft fram með Dýra sem Solla stirða og Ingibjörg hefur oft séð um tónlistina í skemmtunum, þannig að Dýri nær að samtvinna fjölskyldulífið við vinnuna.

Síðasta skipti sem Magnús skemmti var árið 2010 og síðan þá hefur Dýri alfarið tekið við hlutverkinu. „Hann hefur alveg farið í búninginn af og til en árið 2014 sagði hann þetta alveg gott.“

Dýri segir að hann hafi lært mikið af starfinu á þessum áratug og fengið að ferðast víða um heim. Það er ekkert lát á eftirspurninni eftir hinum liðuga og spræka Íþróttaálfi. „Þegar fyrirtækið var selt til Turner fyrir 4-5 árum síðan þá bjóst ég við að það myndi eitthvað róast. En núna 2016 er 30% meira að gera en 2015,“ segir hagfræðingurinn sem einnig er titlaður Íþróttaálfur í símaskránni. „Það eru svo mörg börn í heiminum og erfitt að hitta þau öll. Og til þess að hitta sem flest þarf ég að vera mikið í búningnum.“

Íþróttaálfarnir Dýri og Magnús.
Íþróttaálfarnir Dýri og Magnús.

Innlent »

Úttektin tók 210 klukkustundir

Í gær, 23:37 Það tók innri endurskoðun Reykjavíkurborgar 210 klukkustundir að gera úttekt á verkefni Félagsbústaða við Írabakka, eða tæplega einn og hálfan mánuð. Þetta sagði Heiða Björg Hilmisdóttir, borgarfulltrúi Samfylkingarinnar, á borgarstjórnarfundi í kvöld. Meira »

Hyggst láta af störfum formanns

Í gær, 22:22 Jónas Garðarsson, formaður Sjómannafélags Íslands, hyggst láta af störfum að loknu yfirstandandi kjörtímabili. Þetta upplýsir hann í ljósi þess að honum og félögum hans í verkalýðsfélaginu hafi verið lýst sem „samansúrruðum valdagráðugum smákóngum“, sem geri allt til að halda völdum, og að ólíklegt hafi verið talið að hann myndi láta af formennsku „þegjandi og hljóðalaust“. Meira »

Alltof hægt gengið að friðlýsa

Í gær, 22:17 Umhverfis- og auðlindaráðherra er ánægður með umfjöllun fréttaskýringaþáttarins Kveiks um friðlýsingar í kvöld og segir að alltof hægt hafi gengið að friðlýsa á undanförnum árum. Þrjú svæði hafi verið send út til kynningar vegna friðlýsingar og fleiri munu fara út á næstu dögum. Meira »

Að lifa og byggja í sátt við náttúru

Í gær, 21:49 Að skera torf í þrjár vikur segir hún hafa verið eins og hugleiðslu fyrir sig. Hún hefur í tvígang komið til Íslands í pílagrímsferð til að læra íslenska torfhúsagerð. Maria Jesus May vill að við lítum til baka og lærum af fortíðinni. Meira »

Hækkunartaktur ekki lægri í 7 ár

Í gær, 21:39 Vísitala íbúðaverðs hækkaði um 0,6% á milli mánaða og hægir því enn á 12 mánaða hækkunartakti vísitölunnar, sem er nú 3,9% og hefur ekki verið lægri síðan í maí 2011. Meira »

Tækninotendur aldrei alveg öruggir

Í gær, 21:09 „Það er ástæða fyrir því að fólki er ráðlagt að vera með mismunandi lykilorð og mismunandi aðganga. Það er ekkert öruggt þegar kemur að þessari tækni þó eitthvað sé betur tryggt en annað,“ segir Helga Þórisdóttir, forstjóri Persónuverndar. Meira »

Tillaga um lækkun fasteignaskatta felld

Í gær, 21:09 Tillaga borgarfulltrúa Sjálfstæðisflokksins um lækkun fasteignaskatta á atvinnuhúsnæði úr 1,65% í 1,60% var felld á borgarstjórnarfundi í kvöld. Meira »

Löng bið í París vegna vélarbilunar

Í gær, 19:59 Farþegar WOW air hafa þurft að bíða í um þrjár og hálfa klukkustund á Charles de Gaulle-flugvellinum í París eftir að vélarbilun kom upp í vél flugfélagsins. Meira »

„Nú fer ég að kippa hlutunum í lag“

Í gær, 19:27 Eigandi City Park Hótel segir að ekki hafi verið búið að skila inn öllum gögnum til byggingarfulltrúa Reykjavíkurborgar til þess að fá byggingarleyfi og viðurkennir að ekki hafi verið rétt staðið að framkvæmdum við stækkun hótelsins við Ármúla 5. Meira »

Leitin að höfundum Íslendingasagnanna

Í gær, 19:22 Dr. Haukur Þorgeirsson málfræðingur mun í kvöld kl. 20:30 halda fyrirlestur í Snorrastofu í Reykholti og ræða meðal annars um leitina að höfundum Íslendingasagnanna. Meira »

Fagnar því að bæjarstjórn vandi sig

Í gær, 19:14 Félagið Stakkberg ehf. fagnar því að bæjarstjórn Reykjanesbæjar vandi skoðun sína á erindi Verkís fyrir hönd félagsins um að skipulags- og matlýsing vegna umbóta á verksmiðju félagsins í Helguvík, verði tekin til meðferðar samkvæmt 43. grein skipulagslaga. Meira »

Innleiðing þjónustustefnu samþykkt

Í gær, 18:57 Rafvædd, bætt og einfölduð þjónusta er markmið nýrrar þjónustustefnu sem borgarstjórn samþykkti að innleiða á fundi sínum í dag. Meira »

Velferðarráðuneytinu verði skipt upp

Í gær, 18:47 Katrín Jakobsdóttir forsætisráðherra hefur lagt fram þingsályktunartillögu um að velferðarráðuneytinu verði skipt upp í heilbrigðisráðuneyti annars vegar og félagsmálaráðuneyti hins vegar. Meira »

Sigli aftur út á sundin árið 2020

Í gær, 18:18 „Það gekk brösuglega í fyrstu,“ segir Guðmundur Hallvarðsson, formaður Hollvinasamtaka Óðins, sem tekinn var í slipp í Reykjavíkurhöfn í gær. Það gekk ekki vandræðalaust, eins og Guðmundur segir frá. Meira »

Dóra Björt: „Tölvan segir nei“

Í gær, 17:22 Dóra Björt Guðjónsdóttir, forseti borgarstjórar og oddviti Pírata, brá á leik á borgarstjórnarfundi í dag og lék þýtt og staðfært atriði úr bresku gamanþáttunum vinsælu Little Britain. Meira »

Birkir Blær hlaut barnabókaverðlaunin

Í gær, 17:01 Birkir Blær Ingólfsson hlaut í dag Íslensku barnabókaverðlaunin fyrir bók sína Stormsker. Í umsögn dómnefndar um verðlaunahandritið segir: „Stormsker – Fólkið sem fangaði vindinn er spennandi frásögn af hugrökkum krökkum í heimi sem er bæði óþægilega kunnuglegur og furðulega framandi.“ Meira »

Tillagan okkar eða tillagan ykkar?

Í gær, 16:46 Tvær keimlíkar tillögur voru á dagskrá borgarstjórnar í dag, um að bæta stöðu barna með annað móðurmál en íslensku í skólakerfi borgarinnar. Olli það nokkru argaþrasi á meðal borgarfulltrúa. Sjálfstæðismenn sögðu að meirihlutinn vildi eigna sér málið. Meira »

Fjórum milljörðum dýrari leið

Í gær, 16:29 Hin svokallaða R-leið um Reykjanes og utanverðan Þorskafjörð er töluvert dýrari en Þ-H-leiðin sem Vegagerðin mælir með. Þetta er niðurstaða skýrslu Vegagerðarinnar. Meira »

Tilkynnt um mun færri kynferðisbrot

Í gær, 16:15 Lögreglunni á höfuðborgarsvæðinu bárust sjö tilkynningar um kynferðisbrot í september og hafa þær ekki verið færri á einum mánuði síðan í febrúar 2014. Tilkynningarnar voru einnig 70% færri en meðaltalið síðustu 12 mánuði. Meira »