Einungis er fullur búrekstur á um fjórðungi þeirra lögbýla sem eru skráð með búrekstur í Vopnafirði.
Ein helsta ástæða þess er að auðmenn hafa keypt fjölda jarða á svæðinu og eiga þær veiðirétt að Selá, Hofsá, Sunnudalsá og Vesturdalsá. Einnig hafa margir bændur minnkað umsvif sín og látið rentur af ánum duga að hluta til eða að öllu leyti.
Björn Halldórsson rekur ásamt fleirum stærsta búið á svæðinu. Í umfjöllun um mál þetta í Morgunblaðinu í dag segist hann ekki vera sérstaklega bjartsýnn á að búrekstur verði á jörðunum í framtíðinni.