Erfitt að knýja fram uppbyggilegt samtal

Kjarasamningar hafa verið lausir við Félag kennara og stjórnenda í ...
Kjarasamningar hafa verið lausir við Félag kennara og stjórnenda í tónlistarskólum (FT) mbl.is/Golli

„Erfitt hefur reynst að knýja fram uppbyggilegt samtal um sjálfsagðar og löngu tímabærar umbætur á kjarasamningnum.“ Þetta kemur fram í tilkynningu frá Félagi kennara og stjórnenda í tónlistarskólum (FT). Félagið hefur verið samningslaust í rúmt ár. Kjaradeilu FT og Sambands íslenskra sveitarfélaga var vísað til ríkissáttasemjara fyrr á árinu. Síðustu fundir hjá ríkissáttasemjara hafa verið árangurslausir. 

Hér er tilkynningin í heild sinni:

Að gefnu tilefni vill stjórn Félags kennara og stjórnenda í tónlistarskólum (FT), koma eftirfarandi á framfæri:  Í nýlegri frétt á mbl.is var haft eftir formanni samninganefndar Sambands íslenskra sveitarfélaga (SNS): „Staðan er ekki góð. Við finnum lítinn samningsvilja.“ 

Stjórn FT tekur heilshugar undir að staðan sé ekki góð, en lýsir að öðru leyti furðu sinni á þessum ummælum og vísar á bug aðdróttunum sem út úr þeim mætti lesa.

Félagið hefur verið samningslaust í tæpa 14 mánuði. Krafa félagsmanna er í senn hógvær og mjög einföld - að njóta samskonar launakjara, fyrir sambærilegt vinnuframlag og menntun, og viðmiðunarhópar innan Kennarasambands Íslands (KÍ). Hér er um að ræða sama meginmarkmið og lagt var upp með 2014, en samningur í kjölfar verkfalls það haust dugði því miður ekki til að uppfylla þessa meginkröfu, sem er m.a. að stórum hluta tilkomin vegna skekktrar samningsstöðu frá 2008.

Varðandi samningsvilja teljum við vandann miklu fremur liggja hjá viðsemjandanum, sem hefur ekki sýnt af sér merki um vilja til að mæta þessari meginkröfu, heldur virðist þvert á móti kappkosta að festa varanlega í sessi ómálefnalegan launamun.

Á því rúma ári sem viðræður hafa staðið yfir hefur SNS í þrígang lagt fram samhljóða tilboð, þrátt fyrir að frá upphafi hafi þeim mátt ljóst vera að tilboðið fól í sér að gera vonda stöðu FT, í samanburði við önnur aðildarfélög KÍ, enn verri.

Það bar svo til tíðinda s.l. fimmtudag að nánast sama tilboðið var enn lagt fram, nú með lítilsháttar breytingum sem snéru að kjörum kennara, en skólastjórnendur innan FT lágu áfram óbættir hjá garði.

Erfitt hefur reynst að knýja fram uppbyggilegt samtal um sjálfsagðar og löngu tímabærar umbætur á kjarasamningnum. Samninganefnd FT undirbyggði samningavinnuna með tilheyrandi könnunum, gagnaöflun, úrvinnslu, gerð samantekta o.fl. tengt faglegu efni og tölulegum gögnum. Margvísleg gögn hafa verið lögð fram sem nýta hefði mátt sem grundvöll málefnalegra viðræðna og heilt yfir í samningavinnu hefur félagið að leiðarljósi að taka mið af markmiðum og áherslum í kjarastefnu beggja aðila.

Með því að  vísa deilunni til sáttasemjara 27. apríl 2016 eftir 16 árangurslausa fundi, eygðum við þá von að framlögð gögn yrðu nýtt í markvissri vinnu að gerð kjarasamnings, en því miður hefur SNS hafnað umræðu um efni þeirra. Að sama skapi hefur verið lítið um framlagningu haldbærra gagna af hálfu SNS til stuðnings málflutningi þeim megin borðsins.

Fyrir hvatningu félagsmanna, sem finnst að sér vegið, er þessu hér með komið á framfæri. Stéttin hefur unnið að því hörðum höndum að ná fram þeirri sanngjörnu kröfu að launaþróun félagsmanna FT standist samanburð við launaþróun annarra hópa í Kennarasambandi Íslands. Félagsmönnum er full kunnugt um þá miklu vinnu sem hér hefur verið kostað til og eiga hlutdeild þar í.

SNS gerði út um leikinn í síðustu kjaraviðræðum með því að útvarpa þeim ósannindum að tónlistarskólakennarar krefðust hærri launa en leik- og grunnskólakennarar. Það er öllum ljóst að lítið stéttarfélag hefur ekki úr mörgum leikjum að tefla ef stærri aðilinn ákveður að nota yfirburði sína með þessum hætti.

Virðingarfyllst - f.h. kennara og stjórnenda í tónlistarskólum út um land allt.

Dagrún Hjartardóttir, starfandi formaður FT

mbl.is

Innlent »

Ákærðir fyrir að halda konum í gíslingu

14:33 Héraðssaksóknari hefur ákært tvo karlmenn fyrir að halda tveimur konum í gíslingu í fjórar til sex klukkustundir á heimili annarrar konunnar og annars mannsins í júnímánuði fyrir tveimur árum. Málið var þingfest í Héraðsdómi Reykjavíkur í vikunni. Meira »

Forðast viðskiptahindranir vegna Brexit

14:00 Guðlaugur Þór Þórðarson, utanríkisráðherra, leiddi umræðu um samskiptin við Bandaríkin og mikilvægi alþjóðaviðskipta á fundi utanríkisráðherra Norðurlandanna, Eystrasaltsríkjanna og Visegradríkjanna í Stokkhólmi í dag. Meira »

Sambærilegt en ásýndin öðruvísi

14:00 Víðir Reynisson öryggisstjóri KSÍ segir að allt hafi gengið að óskum varðandi öryggismál og aðbúnað íslenska karlalandsliðsins í Rússlandi en það dvelur í góðu yfirlæti í strandbænum Kabardinka við Svartahaf. Meira »

Rúrik vekur athygli á armböndum Krafts

13:33 Landsliðsmaðurinn Rúrik Gíslason nýtir athyglina sem hann hefur hlotið á HM vel, en hann deildi mynd af sér með armband frá Krafti á Instagram-reikningi sínum og benti á Instagram-reikning Krafts í leiðinni. Meira »

„Þetta fer bara vel í mig“

13:12 Fyrsti fundur borgarstjórnar eftir nýafstaðnar kosningar fer fram í dag og liggur talsverður fjöldi tillagna fyrir fundinum. Hefðbundið er að á fyrsta fundi séu ekki afgreiddar margar tillögur, að þessu sinni liggur fyrir fjöldi tillagna frá minnihlutanum. Meira »

Heilbrigðiskerfið byggist á fólki

12:29 „Það er mikilvægt að byggja hús, skapa gott umhverfi, hlúa að framtíðinni. Enn mikilvægara er að hafa í huga að heilbrigðiskerfi er og verður ekki byggt upp á húsum, heilbrigðiskerfi er byggt upp af fólki,“ segir formaður hjúkrunarráðs Landspítala í opnu bréfi til heilbrigðisráðherra. Meira »

Dagurinn engin tilviljun

11:50 Facebook-hópurinn „Mæður og feður standa með ljósmæðrum“ stendur fyrir samstöðufundi vegna kjarabaráttu ljósmæðra í tilefni af kvennréttindadegi íslenskra kvenna í dag. Samninganefnd ljósmæðra á fund við samninganefnd ríkisins í fyrramálið, en ljósmæður höfnuðu nýjum samningi 8. júní. Meira »

Bríetar minnst á kvenréttindadeginum

11:25 Kvenréttindadagur íslenskra kvenna er í dag en á þessum degi fyrir hundrað og þremur árum fengu konur 40 ára og eldri kosningarétt og kjörgengi til Alþingis. Meira »

Sérsveitin kölluð út í Stigahlíð

11:05 Sérsveit lögreglunnar var kölluð út í Stigahlíð í Reykjavík í gærkvöldi. Þetta staðfestir lögreglan á höfuðborgarsvæðinu, en að sögn sjónarvotta voru á staðnum þrír sérsveitarbílar með átta fullbúnum sérsveitarmönnum auk almennra lögreglubíla og lögreglumanna. Meira »

„Kona fer í stríð“ sýnd á Ísafirði

10:49 „Efni myndarinnar snertir málefni sem brenna á Vestfirðingum, hugmyndin er að í framhaldinu geti orðið samtal á milli fólks,“ segir Benedikt Erlingsson, leikstjóri og framleiðandi verðlaunakvikmyndarinnar Kona fer í stríð, í samtali við Morgunblaðið. Hann mun halda sérsýningu á kvikmyndinni í Ísafjarðarbíói kl. 17 síðdegis. Meira »

Leita að ökumanni sem ók á barn

10:19 Lögreglan á höfuðborgarsvæðinu leitar ökumanns rauðrar fólksbifreiðar sem ók á 7 ára dreng á reiðhjóli í Árskógum í Reykjavík skömmu fyrir kl. 16 mánudaginn 18. júní, þannig að líkamstjón hlaust af, en ökumaðurinn ók rakleiðis af vettvangi. Meira »

Umferðarslys norðan við Akureyri

10:05 Lögregla og sjúkralið voru kölluð út á tíunda tímanum vegna umferðarslyss skammt norðan við Akureyri, í vestanverðum Eyjafirði. Svo virðist vera sem dekk hafi losnað undan vörubíl og skollið beint framan á fólksbíl, samkvæmt upplýsingum frá lögreglu. Meira »

Svikin um miða á leikinn

08:35 Margir Íslendingar lögðu leið sína til Moskvu um síðustu helgi. Meðal þeirra er íslensk fjölskylda sem lenti í óskemmtilegri reynslu og var svikin um miða á leik Íslands gegn Argentínu í Moskvu. Meira »

Sólin dvalið norðaustan til

07:57 Frá sumardeginum fyrsta til og með 17. júní voru aðeins 210 sólarstundir á höfuðborgarsvæðinu, skv. upplýsingum frá Veðurstofu Íslands og teljist það langt undir meðallagi. Meira »

Aldrei fundist jafn gaman í vinnunni

07:37 „Þetta er ofboðslega skemmtilegt starf. Það er mjög gaman að setjast yfir þessi lið sem ég hef sjálf fylgst með á stórmótum frá því ég var pínulítil. Það er einfaldlega frábært að fá að taka þátt í þessu núna,“ segir Kristjana Arnarsdóttir, íþróttafréttakona á RÚV. Meira »

Verða í Reykjavíkurhöfn um hádegi

07:11 Varðskipið Þór er nú með ísfisktogarann Akurey AK-10 í togi á leið til hafnar í Reykjavík eftir að skipið varð vélarvana djúpt vestur af Vestfjörðum í gær. Samkvæmt upplýsingum frá Landhelgisgæslunni er Þór kominn inn í Faxaflóa og von á að skipin verði komin til hafnar í Reykjavík um hádegi. Meira »

Mikil bleyta á Reykjanesbraut

07:06 Varað er við hvössum vindhviðum við fjöll á Suðaustur- og Austurlandi í dag en von er á þungbúnu og svölu veðri víða á landinu. Að sögn varðstjóra í lögreglunni á Suðurnesjum hefur rignt talsvert þar í nótt og er mikil bleyta á Reykjanesbrautinni sem situr í hjólförum sem getur verið varasamt og ökumenn beðnir um að sýna aðgát. Meira »

Þrjár tilkynningar um borgarísjaka

06:58 Stjórnstöð siglinga hafa borist þrjár tilkynningar um borgarísjaka undanfarnar klukkustundir. Enginn þeirra er á sömu slóðum en gott skyggni er á miðunum samkvæmt upplýsingum frá Landhelgisgæslunni. Meira »

Með lyfjakokteil í blóðinu

05:53 Tíu ökumenn voru stöðvaðir af næturvakt lögreglunnar á höfuðborgarsvæðinu vegna aksturs undir áhrifum áfengis og/eða fíkniefna. Einn þeirra var með fimm tegundir fíkniefna í blóðinu, annar fjórar og sá þriðji var með þrjár tegundir eiturlyfja í blóðinu. Margir þeirra voru próflausir. Meira »
STIGAR OG HANDRIÐ ALLAR MÖGULEGAR GERÐIR
Hagstæð verð, sjá meðal annars: http://www.youtube.com/watch?v=73dIQgOl2JQ...
Öflug bókhaldsþjónusta
Alhliða bókhalds- og uppgjörsþjónusta fyrir fyrirtæki, einstaklinga, húsfélög og...
Ódýr Nýr Ferðanuddbekkur nokkur stk 46.000 www.egat.is
- Hægt að hækka og lækka bak eins og hentar - Ferðataska fylgir - þyngd 18.5 k...