Félag íslenskra flugumferðarstjóra er að velta því fyrir sér að leita til Mannréttindadómstóls Evrópu vegna kjaramáls sem það tapaði í Hæstarétti Íslands í nóvember síðastliðnum.

„Það er í skoðun en það hefur ekkert verið ákveðið,“ segir Sigurjón Jónasson, formaður Félags íslenskra flugumferðarstjóra.

Frétt mbl.is: Máli flugumferðarstjóra vísað frá

Hæstiréttur vísaði frá máli félagsins gegn Samtökum atvinnulífsins og íslenska ríkinu. Félagið krafðist þess að viðurkennt yrði að sér væri heimilt að efna til verkfalls. Einnig krafðist það þess að kjör félagsmanna sinna yrðu ekki ákveðin af gerðardómi en þar varð gerð sátt í kjaradeilunni.

Hæstiréttur Íslands. mbl.is/Þórður

Félag íslenskra flugumferðarstjóra skaut málinu til Hæstaréttar 2. ágúst síðastliðinn. Um tveimur vikum áður hafði Héraðsdómur Reykjavíkur sýknað íslenska ríkið og Samtök atvinnulífsins af kröfum félagsins.

Flugumferðarstjórar felldu nýjan kjarasamning á síðasta ári. mbl.is/Ernir Eyjólfsson

Í lok júní náðist samkomulag milli Samtaka atvinnulífsins fyrir hönd Isavia og Félags íslenskra flugumferðarstjóra. Flugumferðarstjórar gengu til atkvæðagreiðslu um samninginn og felldu hann með rúmum 60 prósentum atkvæða. Flugumferðarstjórar höfðu þá verið samningslausir frá 1. febrúar á þessu ári.

Hinn 6. apríl efndi Félag flugumferðarstjóra til yfirvinnubanns sem hafði m.a. slæm áhrif á flugkennslu í landinu.

Frétt mbl.is: Skelfileg áhrif á flugkennslu

Tengdar fréttir

Kjaradeilur í fluggeiranum

Segja Bláfugl og SA brjóta á kjarasamningum

• Erfiðir samningar en ánægður með báða aðila
• Vinnustöðvun flugumferðarstjóra aflýst
• Enn stefnir í vinnustöðvun á þriðjudaginn
• Boðað til sáttafundar á morgun

» Fleiri tengdar fréttir

• Blogga um frétt