Píratar hafa ekki tekið ákvörðun um hvort íhuga eigi vantraust á ómyndaða ríkisstjórn Sjálfstæðisflokks, Bjartrar framtíðar og Viðreisnar í kjölfar þess að Bjarni Bene­dikts­son, fjár­mála- og efna­hags­ráðherra, birti ekki skýrslu um eign­ir Íslend­inga í af­l­ands­fé­lög­um fyrr en nokkr­um vik­um eft­ir að henni var skilað til ráðuneyt­is­ins.

Frétt mbl.is: Þykir þetta ekkert óeðlilegt

„Við fordæmum þennan gjörning allan og leggjum áherslu á að þetta er mjög svo mikið í stíl við það sem Sigmundur Davíð gerði í því að upplýsa ekki um sín tengsl,“ segir Einar Aðalsteinn Brynjólfsson, þingmaður Pírata, í samtali við mbl.is. 

Þetta er eitthvað sem kemur held ég alveg örugglega inn á siðareglur þingmanna; að ekki skuli halda upplýsingum frá almenningi,“ bætir Einar við en Svandís Svavarsdóttir, þingmaður VG, sendi umboðsmanni Alþingis erindi þess efnis að embættið fjalli um hvort Bjarni hafi gerst brotlegur við gildandi siðareglur ráðherra.

Frétt mbl.is: Telur Bjarna hafa brotið siðareglur

Einar segir málið alvarlegt en menn verði að anda með nefinu og ekki hafi verið ákveðið að lýsa yfir vantrausti á ómyndaða stjórn, eins og kom fram í frétt Rúv.

„Okkur finnst þetta jafnalvarlegt og ástæðan fyrir kosningum var en við erum ekki búnir að ákveða neitt slíkt.“

Tengdar fréttir

Panamaskjölin

Fyrrverandi forsetar Panama ákærðir

• Sýkna yfir Sjólaskipssystrum stendur
• Mál Sjó­la­skipa­systkina send aftur í hérað
• Alþjóðleg handtökuskipun gefin út
• Öllum málum Sjólaskipasystkina vísað frá

» Fleiri tengdar fréttir

• 1 blogg um fréttina

Bloggað um fréttina

• Ómar Geirsson: Hvar voru Píratar í aðdraganda kosninganna??