Félagar í Flugfreyjufélagi Íslands, sem starfa hjá Flugfélagi Íslands, hafa efnt til atkvæðagreiðslu í næstu viku, um verkfallsboðun. Síðasti samningur flugfreyjanna rann út 31. desember 2015.

Þetta kemur fram á vef RÚV. Atkvæðagreiðsla um verkfallið hefst á mánudag og lýkur á miðvikudag.

Sturla Óskar Bragason, varaformaður félagsins, segir í samtali við mbl.is að síðan þá hafi samningar náðst tvisvar, en verið felldir í atkvæðagreiðslu. Sagði samninganefndin þá af sér.

Ný tillaga um verkfallsboðun felur í sér að þriggja daga verkfall hefjist klukkan sex að morgni 27. janúar, ef samningar nást ekki fyrir þann tíma, en aðspurður segir Sturla að samningaviðræður séu ekki í gangi sem stendur.

Þá er gert ráð fyrir ótímabundnu verkfalli, sem hefjast myndi klukkan sex að morgni sjötta febrúar.

Tengdar fréttir

Kjaradeilur í fluggeiranum

Segja Bláfugl og SA brjóta á kjarasamningum

• Erfiðir samningar en ánægður með báða aðila
• Vinnustöðvun flugumferðarstjóra aflýst
• Enn stefnir í vinnustöðvun á þriðjudaginn
• Boðað til sáttafundar á morgun

» Fleiri tengdar fréttir

• Blogga um frétt