„Stórfurðuleg vinnubrögð“ Sjálfstæðisflokks
Setja bókamerki
Stórfurðuleg vinnubrögð Sjálfstæðisflokksins hafa leitt til þess að formennska í stjórnskipunar- og eftirlitsnefnd er nú í höndum stjórnarliða. Þetta sagði Birgitta Jónsdóttir, þingflokksformaður Pírata, í pontu Alþingis, en störf þingsins voru þar til umræðu.
Frétt mbl.is: Brynjar formaður stjórnskipunarnefndar
Hún sagði það ekki að ástæðulausu að nefndin hefði verið sett á laggirnar. Það hefði verið ákveðið í kjölfar efnahagshrunsins árið 2008 og skýrslu rannsóknarnefndar Alþingis.
„Þá var það lagt til að formennska þessarar nefndar yrði hjá stjórnarandstöðu, þar sem í því fælist meðal annars möguleiki fyrir Alþingi til að tryggja sjálfstæði sitt gagnvart framkvæmdavaldinu.“
Birgitta sagði „stórfurðuleg vinnubrögð Sjálfstæðisflokksins“ hins vegar hafa leitt til þess að formennska í nefndinni væri nú í höndum stjórnarliða.
„Ég vona að Sjálfstæðisflokkurinn sjái sóma sinn í því að læra af mistökum fortíðarinnar, og koma sér út úr svona vinnubrögðum.“
Stóraukið fé til samgöngusáttmála
Markaðurinn hitnar og leiguverð hækkar hratt
Hjón sluppu með skrekkinn
Kveðst tala af virðingu: „Ég er enginn dóni“
Kvikan virðist nú skiptast til helminga
Innviðir þandir og álagið „gríðarlegt“
Benda á Samgöngustofu sem bendir út í heim