„Við erum komin að mörkunum“

Í skýrslunni er meðal annars bent á að bæta þurfi ...
Í skýrslunni er meðal annars bent á að bæta þurfi flutningskerfið hér á landi til að tengja „eyjasvæði“ í raforkukerfinu. mbl.is/Rax

Guðni A. Jóhannesson orkumálastjóri segir að komið sé að mörkunum varðandi raforkukerfið hér á landi og orkuöryggi. Staðan núna sé sú að ekki fáist einu sinni tilboð frá raforkuframleiðendum þegar boðið sé út svokallað tap í raforkuflutningi, en um sé að ræða 40 megavött sem tapist hjá Landsneti.

Í dag hélt Orkustofnun fund þar sem niðurstöður skýrslu, sem unnin var af sérfræðingum frá háskólastofnunum MIT í Bandaríkjunum og IIT Comillas á Spáni, fyrir Orkustofnun, Landsvirkjun og Landsnet, voru ræddar.

Helstu niðurstöður skýrslunnar voru þær að miðað við almennan vöxt í raforkunotkun hér á landi þurfi mjög fljótlega að ráðast í frekari raforkuframleiðslu til að mæta þörfinni. Þá var lagt til að mynduð yrði langtímastefna í orkumálum, bæði varðandi virkjanakosti, framleiðslu og flutning. Skýrsluhöfundar telja einnig mikilvægt að smásala rafmagns til minni fyrirtækja og almennings sé boðin upp og gerður langtímasamningur í ætt við stóriðjusamninga til að koma í veg fyrir mikla verðkippi og að þessir aðilar verði undir ef til orkuskorts kemur.

„Í takt við þann raunveruleika sem við búum við“

Guðni segir að Orkustofnun og fyrirtækin tvö hafi viljað fá greiningu á stöðunni í dag frá óháðum erlendum aðila. „Þetta gefur okkur byrjunarreit hér innanlands,“ segir hann og bætir við að hann hafi að mestu leyti verið sammála niðurstöðum skýrslunnar. „Þetta er í takt við þann raunveruleika sem við búum við.“

Hann tekur þó fram að varðandi uppboðið á smásölurafmagni telji hann vænlegra að setja kvaðir á orkufyrirtækin um að ákveðinn hluti framleiðslu þeirra sé til smásölu en að horfa til uppboðsfyrirkomulagsins.

Ekki hægt að treysta á öryggi á smásölumarkaði til lengdar

Bendir Guðni á að ekki sé hægt að treysta til langs tíma á að fyrirtæki eins og Landsvirkjun og OR sýni þá samfélagslegu ábyrgð sem þau hafi hingað til sýnt varðandi orkuverð á smásölumarkaði ef það komi til hamfara á borð við eldgos eða annað sem geti haft mikil áhrif á framleiðslu fyrirtækjanna. Þá komi til þess að fyrirtækin þurfi að uppfylla stóriðjusamningana og smásala og þar af leiðandi verð á þeim markaði geti orðið illa úti.

Guðni segir að það hafi einnig verið mikilvægt að fá óháðan aðila til að gera greiningu á möguleikum um uppbyggingu flutningskerfisins, en meðal annars hefur verið tekist á um hvort reisa eigi raflínur yfir hálendið eða bæta það um allt land. Slíkt er talið nauðsynlegt til að tengja betur saman núverandi „eyjasvæði“ í raforkukerfinu hér á landi.

Komin að mörkunum

Ástandið á raforkumarkaðinum er í dag að sögn Guðna allt annað heldur en það var áður fyrr. Segir hann að þetta sjáist meðal annars á því að bæði sé aukin eftirspurn hjá stóriðjunni og utan hennar. Áður fyrr hafi ríkið verið með reglulegar sendinefndir sem fóru um heiminn í leit að kaupendum að raforkunni, en í dag sé öldin önnur. Fyrirtæki bíði í röðum, bæði stærri og minni, og ekki sé nægjanlegt framboð. „Við erum komin að mörkunum að þú getir ekki keypt meira rafmagn þótt þú sért með meiri peninga, það er ekki meira rafmagn,“ segir Guðni.

Segir hann að þetta sé orðið vandamál í dag, ekki fáist einu sinni tilboð í rafmagn til að mæta orkutapi sem verði í flutningi Landsnets. Enn verði þó hægt að leysa þetta vandamál í nokkur ár í viðbót, en að hættan á stærri vandamálum í kerfinu aukist jafnt og þétt.

Nýtt skeið raforkusölu

Sagði Guðni á fundinum að orkuskorturinn væri farinn að hamla atvinnuuppbyggingu víða um land og þá væri hann ekki að tala um stóriðju. „Öll þessi merki segja okkur að við erum að komast á nýtt skeið raforkusölu,“ segir Guðni.

mbl.is

Bloggað um fréttina

Innlent »

Lá ofurölvi á gangstétt við bar

06:15 Lögregla hafði í nótt afskipti af ofurölvaðri konu þar sem hún lá á gangstétt við bar í Bústaða- og Háaleitishverfi, en nokkur slík atvik þar sem lögregla þurfti að hafa afskipti af ofurölvuðu fólki voru skráð í dagbók lögreglu eftir þessa nóttina. Meira »

Um 80% eru prentuð erlendis

05:30 Um 80% allra þeirra 614 bóka sem getið er í Bókatíðindum Félags íslenskra bókaútgefenda 2018 eru prentuð erlendis.   Meira »

Tvöfalt meira af svefnlyfjum

05:30 34 þúsund einstaklingar fengu ávísuð svefnlyf á Íslandi á síðustu tólf mánuðum. Notkun svefnlyfja er hlutfallslega miklu meiri hér en í flestum öðrum löndum, samkvæmt upplýsingum á vef landlæknis. Meira »

Gera þarf ítarlegri kröfur

05:30 Gera þarf ítarlegri kröfur um áhrif bygginga á vind hér á landi, einnig vantar frekari eftirfylgni með núverandi kröfum, að mati Harðar Páls Steinarssonar verkfræðings. Meira »

Götur, sléttur og básar

05:30 Götunafnanefnd Reykjavíkur hefur gert tillögur að nýjum götuheitum á Landspítalalóð, í Gufunesi og á Esjumelum.  Meira »

Andlát: Kristrún Eymundsdóttir

05:30 Kristrún Eymundsdóttir, fyrrverandi framhaldsskólakennari, lést á dvalar- og hjúkrunarheimilinu Grund laugardaginn 8. desember. Hún var 82 ára að aldri. Meira »

Hreinar hendur bjarga

05:30 Meira en fjórir sjúklingar sýkjast á Landspítalanum á hverjum einasta degi ársins. Þótt markvisst hafi verið unnið að úrbótum, meðal annars með því að minna heilbrigðisstarfsfólk á að hreinsa hendurnar á sér rétt og vel, eru spítalasýkingar hlutfallslega algengari en nágrannalöndum. Meira »

Veiking krónu örvar ferðaþjónustuna

05:30 Útlit er fyrir að næsta ár verði gott í ferðaþjónustunni. Framkvæmdastjóri ferðaskrifstofu segir að bókunartímabilið fyrir árið 2019 fari betur af stað en það gerði fyrir árið 2018. Meira »

Lýsa áhyggjum af vegstikum

05:30 „Drullan, tjaran og saltið slettist upp á stikurnar og þær verða mjög skítugar á þessum árstíma,“ segir Jóhann Bjarni Skúlason, yfirverkstjóri hjá Vegagerðinni. Meira »

Skipið náðist ekki á flot

Í gær, 22:00 Tilraun til þess að ná hollenska flutningaskipinu Amber á flot á flóðinu í kvöld heppnuðust ekki en skipið tók niðri á sandrifi í innsiglingunni til Hafnar í Hornafirði í morgun. Meira »

Hyggst sitja áfram í velferðarnefnd

Í gær, 21:07 Anna Kolbrún Árnadóttir, þingmaður Miðflokksins, hyggst sitja áfram í velferðarnefnd Alþingis. Sérfræðingar sem starfa við rannsóknarsetur Háskóla Íslands í fötlunarfræðum hafa lýst því yfir að þeir ætli ekki að vinna með nefndinni á meðan Anna Kolbrún á þar sæti. Meira »

„Maður er að gera eitthvað af sér“

Í gær, 19:20 „Maður er að gera eitthvað af sér,“ segir Helga Kolbrún Magnúsdóttir um íþróttina axarkast sem hún stundar af miklum móð. „Innri víkingur“ fólks brjótist fram þegar öxum er hent þéttingsfast í tréfleka svo hún festist. Stefnan hefur verið sett á að setja á fót deildarkeppni í axarkasti hérlendis. Meira »

Heiðra minningu Stefáns Karls

Í gær, 19:10 Á jólatónleikum Björgvins Halldórssonar í fyrra sungu þeir Stefán Karl saman lagið „Aleinn um jólin.” Lagið hefur nú verið gefið út og munu allar tekjur af laginu renna til barna Stefáns Karls. Máni Svavarsson, höfundur lagsins og Björgvin Halldórsson rifjuðu upp söguna á bak við lagið. Meira »

Hljóp 115 kílómetra á innan við sólarhring

Í gær, 18:40 „Þetta kennir manni hvað maður getur náð langt, hvað líkaminn er magnað fyrirbæri,“ segir Sigurjón sem hafnaði í þriðja sæti og varð jafnframt efsti Íslendingurinn í hindrunarhlaupinu Iceland Spartan Ultra World Championship, sem lauk í dag í Hveragerði. Meira »

Tóku ekki þátt í tali þingmannanna

Í gær, 18:04 „Það er ekki í frásögu færandi að kollegar fara á bar til að spjalla um daginn og veginn og hitta þar fyrir aðra kollega. Á Klaustri heilsaði ég líka öðrum sem ég þekki – eins og maður gerir,“ segir Líf Magneudóttir, oddviti Vinstri hreyfingarinnar – græns framboðs, í Reykjavík í kjölfar fullyrðingar vefjarins Viljinn.is um að stjórnmálamennirnir sem hist hafi á barnum Klaustri í síðasta mánuði hafi ekki verið sex heldur átta. Meira »

Slösuð kona sótt í Reykjadal

Í gær, 17:31 Hjálparsveit skáta í Hveragerði var í dag kölluð út vegna konu sem tilkynnt var um að hefði slasast í Reykjadal ofan Hveragerðis. Meira »

Varað við kröftugum vindhviðum

Í gær, 15:40 Varasöm akstursskilyrði munu skapast sunnan- og vestanlands síðdegis á morgun samkvæmt upplýsingum frá Vegagerðinni, en þá gengur í suðaustanhvassviðri eða -storm og jafnvel staðbundið rok með rigningu á láglendi en sjókomu á heiðum og fjallvegum. Meira »

Bílvelta við Hof á Akureyri

Í gær, 15:34 Bifreið valt á Glerárgötu við menningarhúsið Hof á Akureyri nú rétt fyrir kl. 15 í dag. Ekki er vitað hversu margir voru í bílnum en samkvæmt heimildum frá lögreglunni á Norðurlandi eystra urðu engin meiðsli á fólki. Meira »

Ófært á Hrafnseyrarheiði og Dynjandisheiði

Í gær, 14:43 Ófært er á Hrafnseyrarheiði og Dynjandisheiði á Vestfjörðum samkvæmt upplýsingum frá Vegagerðinni en annars hálka á flestum fjallvegum í landshlutanum og hálkublettir víða á láglendi. Meira »
Skúffa / skófla á traktor
Skófla á þrítengi 140cm. Bakhlið fylgir sem gerir hana að fyrirtaks skúffu. Þe...
LOFTASTIGAR - PASSA Í LÍTIL OG STÓR OP
Tvískiptir eða þrískiptir fyrir allt að 300 cm hæð Mex ehf á Facebook > Mex byg...
Spennandi ljósmyndanámskeið
Flott námskeið fyrir þá sem vilja læra á myndavélina og ná enn betri myndum. ...