Kostnaður ríkissjóðs vegna greiðslu útgerðarinnar á fæðispeningum sjómanna á fiskiskipum nemur um 400 milljónum króna á ári. Miðað er við að fjöldi lögskráðra daga sjómanna sé um 600 þúsund.

Þetta kemur fram í upplýsingum frá Sjómannasambands Íslands.

Fjármála- og efnahagsráðuneytið sendi í morgun frá sér tilkynningu þar sem kemur fram að gögn sem Sjómannasambandið lét ráðuneytinu í té á síðasta ári séu ekki rétt. Í fyrri tilkynningu ráðuneytisins, sem var byggð á þeim gögnum, kom fram að heildarkostnaður útgerðarinnar vegna greiðslu fæðispeninga sjómanna á fiskiskipum væri um 2,3 milljarðar króna á ári samkvæmt gildandi kjarasamningum.

Miðað var við að fjöldi lögskráningardaga sjómanna væri um 1,5 til 1,6 milljónir daga á ári. 

Frétt af mbl.is

Greiða 2,3 milljarða á ári í fæðispeninga

Þar kom einnig fram að áætlað tekjutap ríkisins af þeirri fjárhæð, yrði hún undanþegin skatti, er um 730 milljónir króna á ári. Því til viðbótar myndu sveitarfélög tapa um 330 milljónum króna í útvarpstekjum.

Að sögn framkvæmdastjóra Sjómannasambands Íslands hefur fjöldi lögskráningadaga fækkað. Núna er miðað við tölur frá árinu 2015 og því er matið annað en kom fram í þeim upplýsingum sem ráðuneytið var með.

Tengdar fréttir

Kjaramál sjómanna

SVG og VM samþykktu samninginn

• Segir samninganefnd vélstjóra sniðgengna
• Felur í sér styttri vinnuviku og aukið mótframlag
• Vélstjórar undirrituðu samning við SFS
• „Ekki kjörstaða að vera í“

» Fleiri tengdar fréttir

• Blogga um frétt