Mikið hefur sést af hnúfubökum, háhyrningum og höfrungum í hvalaskoðunum sem fara fram frá Reykjavík síðustu daga.
Samkvæmt Hilmari Stefánssyni, framkvæmdastjóra Special Tours Wildlife Adventures, er mikið fjör þessa dagana og eins og hann sagði þá er „lífið að byrja“.
Ekki var siglt í dag vegna veðurs en margt sást af hvölum í gær. Aðspurður segir Hilmar að þegar loðnugangan hefjist komi hvalurinn í kjölfarið.
Meðfylgjandi myndir voru teknar af hvalaskoðunarskipi Special Tours í gær.