Verksamningur vegna mislægra gatnamóta
Setja bókamerki
Fulltrúar Loftorku, Suðurverks og Vegagerðarinnar skrifuðu undir verksamning um gerð mislægra gatnamóta Reykjanesbrautar og Krýsuvíkurvegar í dag.
Framkvæmdir hefjast strax enda á verkið að vinnast á skömmum tíma og vera lokið 1. nóvember næstkomandi, að því er kemur fram á vefsíðu Vegagerðarinnar.
Þar segir að verktakar hafi þegar komið upp vinnubúðum á svæðinu.
Verkið er samstarfsverkefni Vegagerðarinnar, Hafnarfjarðar og veitufyrirtækja.
Byrjað verður á því að færa lagnir af ýmsu tagi og leggja framhjáhlaup áður en hafist verður handa við byggingu brúarinnar sjálfrar.
VSÓ ráðgjöf ehf. sinnir eftirliti en hún átti lægst boð í það verk upp á 19,4 milljónir króna, áætlaður verktakakostnaður var 21 milljón króna.
Loftorka ehf. og Suðurverk ehf. áttu saman lægsta boð í verkið, eða upp á 918 milljónir króna.
Áætlaður verktakakostnaður var 817 milljónir króna. Við bætist síðan ýmis kostnaður við undirbúning og hönnun verksins.
Ofsóttur innan veggja Boeing
Hjón sluppu með skrekkinn
Þrjú og hálft ár fyrir skotárás í Úlfarsárdal
„Þögnin er ærandi“
Mikil skjálftavirkni á landinu áhyggjuefni
Segir óábyrgt að skipta út öllu bankaráðinu