„Starfsemi United Silicon liggur niðri þar til viðgerðum vegna elds, sem kom upp aðfaranótt þriðjudags, verður lokið,“ segir Kristleifur Andrésson, yfirmaður öryggis- og umhverfismála United Silicon, og bætir við að enn fremur sé unnið að úrbótum vegna kvartana um lykt frá starfsemi verksmiðjunnar.

Umhverfisstofnun hefur ákveðið að kísilmálmverksmiðja United Silicon í Helguvík verði lokuð um óákveðinn tíma frá og með morgundeginum. Forstjóri Umhverfisstofnunar segir fyrirtækið nú hafa frest til morguns til að veita andmæli við ákvörðun um lokun.

Meðal þess sem Umhverfisstofnun gerir athugasemd við í starfsemi kísilmálmverksmiðju United Silicon er hætta á að út í andrúmsloftið streymi efni sem geti haft langtímaáhrif á heilsu fólks.

„Það er alveg ljóst af okkar hálfu að starfsemi fyrirtækisins fer ekki í gang fyrr en við höfum gert viðeigandi endurbætur. Hingað til lands eru komnir sérfræðingar frá Noregi og við erum í þessum töluðu orðum að vinna með þeim að lausn vandans,“ segir Kristleifur í Morgunblaðinu í dag og bendir jafnframt á að von sé á niðurstöðum mælinga Matís eftir helgi.

Tengdar fréttir

Kísilverksmiðja United Silicon í Helguvík

Óttast að kröfur fyrnist vegna seinagangs í rannsókn

• Dæmt til að borga 217 milljóna lán
• Arion segir þrjá kosti í stöðunni
• PCC skoðar kaup á kísilverksmiðjunni í Helguvík
• Gjaldþrotið byggir á 1,8 milljarða kröfu

» Fleiri tengdar fréttir