Léleg tónlist nauðsynleg

Simon Frith
Simon Frith

Simon Frith, sem er einhver áhrifamesti dægurtónlistarfræðingur heims, er á leið til landsins og heldur erindi í Veröld, húsi Vigdísar, á föstudaginn í næstu viku. Sykurmolarnir voru fyrsta íslenska hljómsveitin sem hann man eftir að hafa heyrt um.

Frith veit áreiðanlega meira um tónlist en flestir aðrir, hefur séð óteljandi hljómsveitir á sviði (þar á meðal hina goðsagnakenndu Doors) og vaknar þá sú spurning hver hafi verið fyrsti íslenski tónlistarmaðurinn eða hljómsveitin sem hann heyrði um.

„Ég er næstum því viss um að það hafi verið Sykurmolarnir, að minnsta kosti hvað dægurtónlist varðar. Mig grunar að ég hafi heyrt einhverja klassíska íslenska tónlist eða kvikmyndatónlist á undan því en ég er ekki alveg viss,“ segir hann og lýsir því hvernig hann upplifði þessa þekktu hljómsveit utan frá.

„Sykurmolarnir voru áhugaverðir því þeir voru hluti af indísenu sem var að spretta upp á þessum tíma, tónlist sem kom frá litlum sjálfstæðum útgáfufyrirtækjum. Þau voru auðvitað íslensk en á hinn bóginn var eitthvað kunnuglegt við þetta. Manni fannst þau vera mjög mikill hluti af þessari tónlistarsenu,“ segir hann en á þessum tíma var það ekki eitthvað séríslenskt sem einkenndi hljómsveitina umfram annað. „Það var ekki fyrr en Björk varð sólólistamaður sem tónlistin varð íslenskari,“ segir hann.

Mercury-verðlaunin

Frith hefur verið formaður dómnefndar hinna virtu Mercury-verðlauna frá stofnun þeirra árið 1992 og hefur vegna þeirra þurft að hlusta vandlega á hátt í þrjú hundruð plötur á ári. Eftir þá hlustun vinnur hann með félögum sínum í dómnefndinni í að búa til langan lista og að lokum svokallaðan stuttan lista. Loks er sigurvegari valinn en frá upphafi hafa m.a. Primal Scream, Pulp, Portishead, Ms. Dynamite og PJ Harvey unnið þessi verðlaun. „Þú verður að velja einhverja plötu sem þú getur sagt með sanni við fólk að það sé þess virði að hlusta á hana, plötu sem er ekki bara eftir þínum eigin smekk. Stundum hefur platan nú þegar notið vinsælda en það skiptir kannski ekki máli því það eru milljónir manna sem hafa ekki heyrt hana. Arctic Monkeys var til dæmis frekar augljós sigurvegari. Sveitin var með góðan aðdáendahóp en það höfðu ekki margir yfir 25 ára aldri hlustað á hana. Með verðlaununum sagði dómnefndin við fólk að það ætti að hlusta á plötuna þó að formið virkaði kunnuglegt. Textarnir eru magnaðir og það er svo miklu meira spunnið í þessa plötu en maður gæti haldið í fyrstu.“

Árið 2016 var síðasta árið sem Frith gegndi þessari stöðu en þá vann Skepta fyrir plötuna Konnichiwa.

Vandamálið við Spotify

Frith hefur m.a. rannsakað lélega tónlist sem mótvægi við góða tónlist og segir að það sé ekki síður mikilvægt að hlusta á lélega tónlist. „Það sem mér finnst svo slæmt við Spotify og svoleiðis þjónustur er að þú þarft aldrei að hlusta á eitthvað sem þér líkar illa við. Þegar ég var að alast upp þurfti maður að hlusta á allskonar tónlist í útvarpinu. Maður kvartaði yfir þessu en ég held það hafi verið gott að hlusta á eitthvað sem manni líkaði ekki við. Ef þú segir að eitthvað sé gott er það markleysa nema þú hafir eitthvað á móti sem þú getur sagt að sé ekki gott. Ef þér finnst allt gott, þá er engin þörf á þessu orði. Þú verður að aðgreina hið góða frá hinu og getur bara sagt að eitthvað sé gott í samhengi við eitthvað annað.“

Algjört rusl eða argasta snilld?

Fyrirlestur Frith ber nafnið „Algjört rusl eða argasta snilld?: Um gildi popptónlistarinnar“. Í fyrirlestrinum mun Frith fara yfir sögu sína sem dægurtónlistarfræðings en sá ferill spannar nú tæplega fimmtíu ár. Fyrirlesturinn fer fram í Veröld, húsi Vigdísar, föstudaginn 26. maí og hefst klukkan 12.00. Eftir fyrirlesturinn verður gestum boðið í móttöku þar sem hægt verður að ræða við Frith í návígi.


Þetta er brot úr viðtali sem birtist við Frith í Sunnudagsblaði Morgunblaðsins um helgina.

Arctic Monkeys með Mercury-verðlaun.
Arctic Monkeys með Mercury-verðlaun.

Innlent »

Gjöldin 3,65 milljónir á einbýlishús

05:30 Gunnar Einarsson, bæjarstjóri Garðabæjar, segir innviðagjöld vegna borgarlínu ekki hafa komið til umræðu hjá sveitarfélaginu. Slík gjaldtaka sé samningsatriði við þá sem byggja upp viðkomandi svæði. Meira »

Landið keypt á 120 milljónir króna

05:30 Rangárþing eystra er að kaupa jörðina Stórólfshvol af Héraðsnefnd Rangæinga. Kaupverðið er samkvæmt kauptilboði sveitarfélagsins liðlega 121 milljón kr. Meira »

Almennt ánægðir með íslenska lambakjötið

05:30 Nærri helmingur landsmanna, eða 46%, borðar lambakjöt að jafnaði einu sinni í viku eða oftar. Tæp 26% til viðbótar borða lambakjöt 2-3 sinnum í mánuði. Aðeins 4% segjast aldrei borða lambakjöt. Meira »

Tólf flokkar hyggja á framboð

05:30 Allir átta flokkarnir sem buðu fram í sveitarstjórnarkosningunum í Reykjavík fyrir fjórum árum stefna á framboð í vor. Útlit er fyrir að fjórir flokkar geti bæst í hópinn; Miðflokkurinn, Viðreisn, Sósíalistaflokkur Íslands og Flokkur fólksins. Meira »

Skattarnir aldrei meiri

05:30 Útreikningar Samtaka iðnaðarins (SI) benda til að skatttekjur af íbúa í Reykjavík hafi verið um 700 þúsund krónur árið 2016. Það er um 50 þúsund krónum meira en 2007 sem lengi var metárið. Meira »

Brotist inn á tveimur stöðum

05:10 Tvö innbrot voru tilkynnt til lögreglunnar á höfuðborgarsvæðinu í nótt. Annað að Bíldshöfða og hitt í Logafold. Bæði málin eru í rannsókn lögreglu. Jafnframt var tilkynnt um manneskju sem var kíkja inn um glugga í Melbæ um miðnætti. Meira »

Tómas Tómasson er látinn

Í gær, 23:36 Tónlistarmaðurinn Tómas Magnús Tómasson er látinn, 63 ára að aldri. Hann var bassaleikari Stuðmanna, Þursaflokksins og fleiri hljómsveita. Hann fæddist 23. maí 1954. Meira »

Allir farþegar á leið til byggða

Í gær, 23:40 Allir farþegar í tæplega 10 bílum sem voru fastir í Möðrudalsöræfum í kvöld eru á leið til byggða. Björgunarsveitir ferja fólkið til byggða en nokkrir bílar voru skildir eftir á heiðinni. Meira »

Gæti aukið hörku á svörtum markaði

Í gær, 21:45 Hanna Katrín Friðriksson, þingflokksformaður Viðreisnar, lagði fram fyrirspurn til Svandísar Svavarsdóttur heilbrigðisráðherra á Alþingi í dag um ráðstafanir vegna fyrirhugaðrar herðingar á eftirliti með ávanabindandi lyfjum. Meira »

Þrjár björgunarsveitir kallaðar út

Í gær, 21:26 Þrjár björgunarsveitir voru kallaðar út fyrr í kvöld til að sinna vegfarendum á Mývatns- og Möðrudalsöræfum og Vopnafjarðarheiði. Meira »

Lömuð eftir fall í Malaga

Í gær, 21:01 Söfnun er hafin fyrir Sunnu Elviru Þorkelsdóttur sem liggur illa slösuð á sjúkrahúsi í Malaga á Spáni eftir að hafa fallið á milli hæða innanhúss. Meira »

Skapa hættu og hafa lítinn tilgang

Í gær, 20:40 „Hraðahindranir sem settar eru þannig niður að unnt sé að sneiða hjá þeim hafa lítinn tilgang og skapa jafnvel hættu.“ Svo segir í svari Samgöngustofu við fyrirspurn mbl.is um hraðahindranapúða sem er að finna víða. Þá eru vísbendingar um að þeir valdi skemmdum á fjöðrunarbúnaði bíla. Meira »

Óskaði eftir upplýsingum

Í gær, 20:12 Umboðsmaður Alþingis ritaði bréf til dómsmálaráðherra 8. janúar þar sem hann óskaði eftir upplýsingum vegna skipunar hennar á dómurum í Landsrétti. Þetta gerði hann til að undirbúa sig fyrir fund sem hann var boðaður á hjá stjórnskipunar- og eftirlitsnefnd Alþingis 18. janúar. Meira »

Tryggði réttinn á Ísafirði

Í gær, 19:30 Skíðasvæðið á Ísafirði komst óvænt í heimsfréttirnar um helgina þegar Pita Taufatofua, sem var fánaberi Tonga og keppandi í taekwondo á Ólympíuleikunum í Río de Janeiro í Brasilíu 2016, keppti þar í 10 km göngu á fismóti á Ísafirði og tryggði sér þátttökurétt á Vetrarólympíuleikunum. Meira »

Umræða um dánaraðstoð verði aukin

Í gær, 18:20 Þingmenn sjö stjórnmálaflokka á Alþingi eru flutningsmenn þingsályktunartillögu um dánaraðstoð.  Meira »

Ekki í leikfimi af ótta við myndatökur

Í gær, 20:03 Brynhildur Björnsdóttir og Þórdís Elva Þorvaldsdóttir skoða flókinn veruleika ungs fólks í nýrri mynd.  Meira »

Nýir möguleikar að prenta líffæri

Í gær, 18:39 Nýir möguleikar opnast á notkun þrívíddarprentaðra líffæra við undirbúning skurðaðgerða og við fjölbreyttar rannsóknir og prófanir, með tilkomu nýs og fullkomins þrívíddarprentara sem tekinn var í notkun á heilbrigðistæknisetri Háskólans í Reykjavík og Landspítala – háskólasjúkrahúss í dag. Meira »

Vegir lokaðir fyrir norðan

Í gær, 18:19 Vegirnir um Öxnadalsheiði og Víkurskarð eru lokaðir. Veginum um Mývatns- og Möðrudalsöræfi var lokað klukkan 18. Ófært er um Dalsmynni, Hólasand og Dettifossveg en þungfært inn í Fnjóskadal. Meira »

Börnin sem kerfið gleymdi

Ford Escape til sölu
Til sölu Ford Escape jeppi, benzín, árgerð 2007, ekinn 193.000km. Ekkert ryð, ve...
BOKIN.IS 13 600 bækur til sölu ÞÚ INNSKÁIR ÞIG OG BYRJAR AÐ VERLSA BÆKUR BOKIN.IS ÚTVEGUM BÆKUR
ÞÚ INNSKRÁIR ÞIG OG BYRJAR AÐ VERLSA BÆKUR - snögg og lipur þjonusta og ...
Harðviður til húsbygginga
Harðviður til húsabygginga Sjá nánar á www.vidur.is Vatnsklæðning, panill, palla...
 
Háseti
Sjávarútvegur
Háseti Vísir hf óskar eftir að...
Lausafjáruppboð
Nauðungarsala
Lausafjáruppboð Einnig birt á www.naud...
Uppboð
Nauðungarsala
Uppboð Einnig birt á www.naudungarsolu...
Ert þú skapandi
Sérfræðistörf
Ert þú SKAPANDI? Árvakur leitar eftir...