Kísilmálmsmiðja United Silicon hlaut um 30 milljónir króna í ríkisaðstoð á árunum 2015-2016. Þetta kom fram í svari Þórdísar Kolbrúnar R. Gylfadóttur, iðnaðar- og nýsköpunarráðherra, við fyrirspurn frá Einari Brynjólfssyni, þingmanni Pírata, á Alþingi í dag.

Í svari ráðherra sagði að United Silicon hefði fengið rúmar 16 milljónir í ríkisaðstoð 2015 og tæpar 14 milljónir í fyrra. Engin ríkisaðstoð hefði hins vegar verið veitt fyrirtækinu árið 2014.

United Silicon hafi þá skilað ráðuneytinu tveimur skýrslum um framvindu fjárfestingaverkefnisins, en samningurinn kveði á um að árlegar skýrslur séu sendar ráðuneytinu. Í svari ráðherra segir að fyrri skýrslan hafi borist í janúar á þessu ári og sú síðari 19. maí sl.  Skýrslurnar séu aðgengilegar, í samræmi við ákvæði upplýsingalaga, og verði birtar á heimasíðu ráðuneytisins. 

Tengdar fréttir

Kísilverksmiðja United Silicon í Helguvík

Óttast að kröfur fyrnist vegna seinagangs í rannsókn

• Dæmt til að borga 217 milljóna lán
• Arion segir þrjá kosti í stöðunni
• PCC skoðar kaup á kísilverksmiðjunni í Helguvík
• Gjaldþrotið byggir á 1,8 milljarða kröfu

» Fleiri tengdar fréttir

• 1 blogg um fréttina

Bloggað um fréttina

• Eyjólfur Jónsson: Fall og total hrun trúi ég á en ekki þetta!!