Ástráður vill eina milljón í bætur
Setja bókamerki
Ástráður Haraldsson hæstaréttarlögmaður fer fram á eina milljóna króna í miskabætur í máli sínu gegn ríkinu vegna skipunar dómara í Landsrétt.
Rúv greinir frá þessu og vísar í stefnu Ástráðs, sem fréttastofan hefur undir höndum.
Málið verður þingfest í Héraðsdómi Reykjavíkur á miðvikudaginn.
Ástráður er einn þeirra fjögurra sem voru á lista dómnefndar sem mat hæfi umsækjenda um embætti dómara við Landsrétt.
Hann var aftur á móti ekki á listanum sem dómsmálaráðherra lagði fram og var hann því ekki skipaður í dóminn.
Í stefnu Ástráðs eru fjórar kröfur. Hann vill að dómstóll ógildi ákvörðun dómsmálaráðherra um að leggja til að hann yrði ekki skipaður dómari.
Einnig vill hann að bótaréttur verði viðurkenndur vegna þess tjóns sem hann varð fyrir vegna ákvörðunarinnar. Hann fer fram á eina milljón í miskabætur, auk þess sem hann krefst málkostnaðar.
„Sárt að horfa upp á þetta“
Gleymir seint deginum sem skriðurnar féllu
Önnur stunguárás í Sydney
Íranar hafi vísvitandi gætt hófs
Íslenska ríkið dæmt brotlegt
50% fjölgun kærumála og aukið álag
„Ef það er einhver einn lærdómur...“
„Ferðalagið er rétt að byrja“