„Þurfum alltaf að vera á verði“
Setja bókamerki
„Við Íslendingar þurfum að bregðast við í öryggisvörnum og axla ábyrgð. Við þurfum alltaf að vera á verði,“ segir Sigríður Andersen dómsmálaráðherra eftir fund þjóðaröryggisráðsins sem kom saman í dag. Á fundinum var meðal annars rætt um mál sem tengjast almennt öryggisvörnum landsins í nútíð og framtíð.
Sigríður vildi að öðru leyti ekki tjá sig um efni fundarins. Hún sagði eðli málanna sem voru rædd þess eðlis.
Spurð út í viðbúnað lögreglunnar á ýmsum mannamótum um helgina meðal annars á landsleik Íslands og Króatíu á Laugardalsvelli í gær, sagði hún að það væri í höndum ríkislögreglustjóra að meta hverju sinnu hversu mikill viðbúnaðurinn væri á fjölmennum mannamótum.
Á fundi þjóðaröryggisráðsins gerði samgöngu- og sveitarstjórnarráðherra grein fyrir vinnu við netöryggismál, utanríkisráðherra kynnti vinnu við gerð viðbúnaðar- og varnaráætlunar fyrir Ísland og ríkislögreglustjóri kynnti vinnu varðandi hryðjuverkaógn í ljósi atburða í mörgum löndum á undanförnum misserum og árum. Þetta kemur fram í tilkynningu.
Á fundinum var jafnframt gengið frá skipun Þórunnar J. Hafstein í embætti ritara þjóðaröryggisráðs.
Fundurinn fór fram á Keflavíkurflugvelli.
Katrín: Jóhönnustjórnin talaði máli Íslands
„Mér finnst Halla Hrund svona Vigdísarleg“
Áköf mótmæli í bandarískum háskólum
Fara ekki lengur fram á einangrun yfir Davíð
Búið að bólusetja börn alla helgina
Tæknideild komin norður vegna andlátsins
Fiskikóngurinn: „Mér fannst sárt að heyra það“
„Þetta er pínu óvanaleg staða“