Björgunarskipið Gunnar Friðriksson er lagt af stað frá Hornvík til Ísafjarðar með göngumanninn sem óskaði eftir aðstoð.
Fram kemur í tilkynningu frá Slysavarnafélaginu Landsbjörg að auk þess göngumanns hafi annar göngumaður reynst vera tognaður á ökkla og tveir til viðbótar með laskað tjald og orðnir kaldir og blautir.
Eru því fjórir göngumenn á leið með björgunarskipinu til Ísafjarðar, en reikna má með að það komi til hafnar um kvöldmatarleytið.