Engin merki um eldgos í Kötlu
Setja bókamerki
„Það eru engin merki um að það sé að koma eldgos,” segir Sigríður Magnea Óskarsdóttir, náttúruvársérfræðingur Veðurstofu Íslands, um skjálftahrinu í Kötlu í gær. Í henni mældist stærsti skjálftinn 3,6 að stærð kl. 18:52. Engir aðrir skjálftar yfir 3 að stærð en í heildina mældust yfir 10 skjálftar á svæðinu. Skjálftahrinan var í austurbrún Kötluöskjunnar.
„Það hefur verið frekar róleg frá því í gær,“ segir Sigríður Magnea. Hún bendir á að þessi skjálftavirkni sem mældist í gær sé ekki óeðlileg á þessum árstíma. Síðustu ár hafa sambærilegar skjálftahrinur orðið í Kötlu yfir sumarmánuðina. Hver ástæða er nákvæmlega er ekki vitað en ein af mögulegri kenningum vísindamanna snýr að meiri snjóbráð af jöklinum á þessum tíma. „Það er ein af getgátunum en annars vitum við það ekki,“ segir Sigríður Magnea.
Í morgun mældust einnig skjálftar í Bárðarbungu, sá stærsti mældist 3,1 að stærð kl. 6:36 en hinir tveir mældust báðir undir þremur að stærð. Sigríður Magnea segir engin tengsl á milli þessara jarðskjálfta og tilviljun að þeir hafi komið á svipuðum tíma því Katla og Bárðarbunga tilheyra ekki sömu eldstöðinni. Náttúruvársérfræðingar voru enn að vinna að því að fara yfir skjálftana í Bárðarbungu þegar mbl.is hafði samband.
Mikil skjálftavirkni á landinu áhyggjuefni
„Það er skiljanlegt að þolinmæði þeirra sé lítil“
Kvikan virðist nú skiptast til helminga
Aðeins ein leið fær í Grindavíkurmálum
Ísraelar hefna árásarinnar
Hægagangur og vaxandi ókyrrð
Hafa samþykkt kaup fyrir um 9,2 milljarða