Lögreglumaður dæmdur fyrir að beita fanga ofbeldi

Lögreglumaður hefur verið dæmdur í 60 daga skilorðsbundið fangelsi fyrir að hafa ráðist á fanga í fangageymslu lögreglustöðvarinnar við Hverfisgötu í Reykjavík í maí á síðasta ári. Þetta kemur fram í dómi Héraðsdóms Reykjavíkur yfir honum sem mbl.is hefur undir höndum. Atvikið náðist á myndband.

Hann er sakfelldur fyrir að fara offari í starfi og gæta ekki lögmætra aðferða, auk þess fyrir að hafa ráðist á fangann og veitt honum áverka. Atlagan var að mati héraðsdóms tilefnislaus og ekkert í fari fangans sem gaf tilefni til hennar. 

Héraðsdómur bendir á að fanginn hafi verið bundinn og varnarlaus í höndum lögreglumannsins og á myndbandi sést að hann reyndi ekki að veita mótspyrnu á nokkurn hátt. Lögreglumanninum var gert að greiða honum 400 þúsund krónur í miskabætur.

Verknaðurinn átti sér stað þegar lögreglumaðurinn átti að flytja karlmann úr fangageymslu á Hverfisgötu og fyrir dómara. Eftir að hann hafði handjárnað manninn fyrir framan búk tók hann um hálsmál á peysu hans, ýtti honum upp að vegg og tók hann svo niður í gólfið þar sem maðurinn lenti á bakinu, setti hægra hné sitt á bringu hans, hélt enn um peysu hans við hálsmál og skellti höfði mannsins tvisvar sinnum í gólfið auk þess að ógna honum með því að halda krepptum hnefa framan við andlit hans.

Þetta kemur fram í dómnum. Því næst dró hann manninn á fætur og skellti honum upp við vegg. Eftir að fórnarlambið hneig niður í gólfið dró lögreglumaðurinn það eftir jörðinni með því að halda í föt þess út fangaganginn og að lyftu í fangageymslu. 

Fanginn hlaut við þetta blæðingu í og undir húð á hnakka, eymsli og væga bólgu yfir liðbandi í hægri ökkla. Auk þess var grunur um rifbot á einu rifi vinstra megin.

Tók þátt í slagsmálum þar sem hnífum var beitt

Fanginn sem fyrir ofbeldinu varð var grunaður um að hafa tekið þátt í slagsmálum þar sem hnífum hafði verið beitt. Var í annarlegu ástandi, valtur á fótum og froðufellandi þegar hann var handtekinn auk þess sem fatnaður hans var blóðugur. 

Ákveðið var af lögreglu að hann skyldi úrskurðaður í gæsluvarðhald og þegar lögreglumaðurinn sótti hann í fangaklefann má sjá á myndbandsupptöku fangann kvitta á blað og fleygja pennanum síðan í gólfið. Lögreglumaðurinn skipar honum að taka hann upp og eftir nokkurt þref gerir hann það.

Eftir að fanginn var kominn í svonefnt flutningsbelti og hendur hans handjárnaðar við það má sjá hvernig fanginn horfir einbeittum svip á lögreglumanninn. Í endurriti segir brotaþoli „fokkings fíflin ykkar“ og rétt á eftir „fokkings ræfill“.

Þá spyr lögreglumaðurinn: „Ertu að segja að ég sé ræfill eða hvað, ha?“ Þá segir fanginn að hann sé bara að tala um lögregluna almennt, ekki viðkomandi lögreglumann. Þá spyr lögreglumaðurinn hann aftur og aftur hvort hann hafi verið að kalla hann ræfil áður en ofbeldið hefst.

Við aðalmeðferð málsins sagðist lögreglumaðurinn hafa haft mikinn vara á sér í viðskiptum við fangann enda hafi hann verið merktur hættulegur í kerfi lögreglunnar. Hann fór til yfirmanns síns daginn eftir atvikið og skýrði frá því sem hafði gerst. Hann viðurkenndi sök og sagði að atferli sínu væri rétt lýst í ákæru að því undanskildu að hann hefði ekki skellt höfði fangans í gólfið heldur búk hans í gólfið og þá fylgdi höfuðið með. 

mbl.is

Innlent »

Segir stefna í hörðustu átök í áratugi

12:48 „Mikil er ábyrgð þeirra sem hafa leyft misréttinu að aukast síðustu ár og áratugi þannig að hagsældin í okkar ríka landi hefur ekki skilað sér til allra. Þeirra er ábyrgðin á því að nú stefnir í hörðustu átök á vinnumarkaði í áratugi,“ skrifar Drífa Snædal forseti ASÍ í forsetapistli sínum, Meira »

Miðstöð fyrir þolendur ofbeldis á Akureyri

12:12 Þjónustumiðstöð fyrir þolendur ofbeldis verður opnuð á Akureyri 1. mars. Ásmundur Einar Daðason, félags- og barnamálaráðherra, og Sigríður Andersen dómsmálaráðherra undirrituðu í dag samstarfsyfirlýsingu um fjármögnun þjónustumiðstöðvarinnar. Meira »

Ákærður fyrir að sigla undir áhrifum fíkniefna

11:49 Skipstjóri hefur verið ákærður fyrir að hafa siglt undir áhrifum fíkniefna frá Flateyri til Suðureyrar um miðjan desember. Auk þess er maðurinn ákærður fyrir að slökkva á staðsetningartæki skipsins og fyrir að hafa ekki skráð skipverja um borð með réttum hætti. Meira »

Sigurður fékk fjögurra og hálfs árs dóm

11:19 Sigurður Kristinsson var dæmdur í fjögurra og hálfs árs fangelsi í Héraðsdómi Reykjavíkur í morgun fyrir aðild að Skáksambandsmálinu svokallaða. Auk hans voru tveir til viðbótar dæmdir til fangelsisvistar. Meira »

VR á fund Almenna leigufélagsins

11:12 Fulltrúar VR munu funda með Almenna leigufélaginu í húsakynnum þess klukkan þrjú í dag, að því er fram kemur í fréttatilkynningu frá leigufélaginu. Ragnar Þór Ingólfsson, formaður VR, óskaði eftir fundinum vegna hækkunar leiguverðs. Meira »

Guðrún Nordal áfram hjá Árnastofnun

11:02 Guðrún Nordal mun veita Stofnun Árna Magnússonar í íslenskum fræðum forstöðu næstu fimm árin og tók við skipunarbréfi þess efnis í gær úr hendi Lilju Alfreðsdóttur, mennta- og menningarmálaráðherra. Guðrún hefur verið forstöðumaður stofnunarinnar frá 2009 og mun því gegna embættinu áfram. Meira »

Fundahöld óháð verkfalli

11:01 „Verkfallsboðun breytir engu um það að verkefnið er áfram hjá okkur. Við höfum þá lagaskyldu að boða fund innan fjórtán sólarhringa,“ segir Elísabet Ólafsdóttir, skrifstofustjóri hjá embætti ríkissáttasemjara, í samtali við mbl.is, spurð um framhald viðræðna sem formlega slitið var í gær. Meira »

Iceland Seafood sameinar dótturfélög

10:57 Stjórn Iceland Seafood International hefur ákveðið að hefja sameiningu á tveimur dótturfélögum sínum á Spáni, Iceland Seafood Spain og Icelandic Ibérica. Félagið Icelandic Ibérica varð hluti af ISI-samsteypunni í september á síðasta ári, í kjölfar kaupa ISI á Solo Seafood sem þá var aðaleigandi Icelandic Ibérica. Meira »

Hyggst kæra ákvörðun sýslumanns

10:26 Sýslumaðurinn á höfuðborgarsvæðinu hefur ákveðið að taka ekki kæru Vigdísar Hauksdóttur, borgarfulltrúa Miðflokksins, vegna borgarstjórnarkosninga 2018 til efnislegrar meðferðar. Er málinu því vísað frá, en Vigdís hyggst halda áfram með málið. Meira »

Seldu starfsmanni fimm bíla

10:26 Félagsbústaðir seldu starfsmanni fimm notaða bíla síðastliðið haust fyrir samtals 600 þúsund krónur. Auk þess var dóttur annars starfsmanns seldur bíll fyrir 180 þúsund krónur. Var þetta gert eftir að almennar bílaauglýsingar báru ekki árangur. Meira »

LÍV vísar deilunni til sáttasemjara

10:24 Landssamband íslenskra verslunarmanna hefur í samráði við þau aðildarfélög sín sem sambandið hefur samningsumboð fyrir, tekið ákvörðun um að vísa kjaradeilu sinni við Samtök atvinnulífsins til ríkissáttasemjara. Meira »

Loka svæði á Skógaheiði

10:15 Umhverfisstofnun hefur tekið ákvörðun um að loka svæði á Skógaheiði frá og með morgundeginum. Lokunin nær upp frá Fosstorfufossi, sem er um 650 metrum ofan við útsýnispall við Skógafoss. Ráðist er í lokunina af öryggisástæðum og til þess að vernda gróður. Meira »

Munu bíta fast þar sem þarf að bíta

09:16 Fundað verður í höfuðstöðvum VR í hádeginu þar sem samninganefnd félagsins mun fara yfir aðgerðaáætlun þess í kjölfar þess að kjaraviðræðum félagsins ásamt Eflingu, Verkalýðsfélagi Akraness og Verkalýðsfélagi Grindavíkur við Samtök atvinnulífsins var slitið í gær. Meira »

Hagstofan spáir 1,7% hagvexti í ár

09:12 Hagstofa Íslands reiknar með því að hagvöxtur í ár verði 1,7% í endurskoðaðri þjóðhagsspá að vetri, sem birtist í Hagtíðindum í dag. Spáin tekur til áranna 2018-2024 og er gert ráð fyrir því að hagvöxtur næstu ára verði á bilinu 2,5-2,8%. Meira »

Hafa vart séð áður svo mikla sjávarhæð

08:18 Víða um land flæddi sjór upp á hafnarbakka á stórstraumsflóði í gærmorgun. Einna mest urðu áhrifin á Flateyri þegar rafmagn sló út í bænum eftir að sjór flæddi inn í masturshús á bryggjunni en þar eru rafmagnstöflur fyrir hafnarsvæðið. Meira »

Hætta af óþoli gegn sýklalyfjum

07:57 Hreinleiki íslenskrar kjötframleiðslu skapar tækifæri fyrir landbúnað á Íslandi. Heimurinn stendur enda frammi fyrir vaxandi vandamáli vegna ofnotkunar sýklalyfja í landbúnaði. Sú ofnotkun getur jafnvel leitt til dauðsfalla hjá mönnum vegna baktería sem hafa orðið ónæmar fyrir sýklalyfjum. Meira »

Holutímabilið er hafið

07:45 Tíðarfarið að undanförnu er farið að setja mark sitt á vegi landsins. Víða eru teknar að myndast djúpar holur og það getur gerst á skömmum tíma. Þegar er byrjað að fylla upp í hættulegar holur en djúp hjólför sem víða má sjá eru einnig varasöm. Áframhaldandi leysingar bæta ástandið ekki. Meira »

Hækkanir hefðu mátt vera tíðari

07:37 Friðrik Sophusson, stjórnarformaður Íslandsbanka, segir að við hækkanir á grunnlaunum Birnu Einarsdóttur, bankastjóra Íslandsbanka, hafi m.a. verið horft til þess að kaupaukar hafi verið aflagðir frá 1. janúar 2017. Meira »

Nóg að gera hjá lögreglu

06:41 Þjófur sem stal söfnunarbauk Rauða krossins úr verslunarmiðstöð í austurborginni um miðnætti komst undan á svörtu reiðhjóli. Þetta er á meðal þess sem kemur fram í dagbók lögreglunnar á höfuðborgarsvæðinu, en lögregla sinnti ýmsum verkum í gærkvöldi og í nótt. Meira »
Snjóblásarar
Öflugir snjóblásarar fyrir þrítengi á traktora allt að 240cm breiðir. Jarðtætar...
Vantar gæslu fyrir kisu/kisann?
www.kattholt.is rekur hótel fyrir kisu/kisann. kattholt@kattholt.is // s;567 ...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
Toyota Rav4 2005. Skoðaður 2020
https://bland.is/classified/entry.aspx?classifiedId=3901197 RAV4 6/2005 SJÁ...