Vindmylla í Þykkvabæ að brenna

Eldurinn greip um sig í annarri vindmyllunni í Þykkvabæ sem er jafnhá Hallgrímskirkju í hæstu stöðu. mbl.is/Árni Sæberg

Kviknað hefur í vindmyllu fyrirtækisins BioKraft í Þykkvabæ. Mikinn reyk má sjá stíga upp úr vindmyllunni.

Þykkvabær er á svæði Brunavarna Rangárvallasýslu sem nú er að störfum við vindmylluna en að sögn slökkviliðsstjóra hjá Brunavörnum Árnessýslu er körfubíll á leiðinni frá Brunavörnum Árnessýslu á leiðinni.

Myll­urn­ar eru dansk­ar, af teg­und­inni Vestas. Þeir eru fest­ir á 53 metra háa turna. Það þýðir að í hæstu stöðu er hvor mylla liðlega 70 metra há, eða jafn­há Hall­gríms­kirkju. Myll­urn­ar stóðu áður úti í Þýskalandi en voru tekn­ar niður til að rýma fyr­ir öðrum stærri.

Uppfært klukkan 13:02

Bjarnveig Björk Birkisdóttir var meðal fyrstu á vettvang. Hún segir þetta allt hafa gerst mjög hratt, en núna sé eldurinn orðinn minni en hann var í fyrstu. „Slökkviliðið er á leiðinni, en ég veit svosem ekki hvað þeir geta gert,“ segir Bjarnveig en hún varð vitni að því þegar hluti úr vindmyllunni féll í jörðina vegna brunans.

Uppfært klukkan 13:07

„Það eru smá glæður í henni ennþá en það mesta er búið,“ segir Leifur Bjarki Björnsson, slökkviliðsstjóri Brunavarna Rangárvallasýslu, í samtali við mbl.is. Ekki er vitað að svo stöddu hvað olli eldinum að sögn Leifs.

„Það er eiginlega óhjákvæmilegt að slökkva í þessu nema utanfrá og við erum enn að bíða eftir körfubíl frá Selfossi,“ segir Leifur.

Eldurinn logar uppi í vindmyllunni en líkt og sjá má á meðfylgjandi myndskeiði var einnig reykur fyrir neðan mylluna. Að sögn Leifs er þar um að ræða brask sem hefur fallið niður úr myllunni.

Mikinn reyk lagði frá vindmyllunni. mbl.is/Árni Sæberg

Kviknað hefur í vindmyllu fyrirtækisins BioKraft í Þykkvabæ. Mikinn reyk má sjá stíga upp úr vindmyllunni. mbl.is/Árni Sæberg

• Blogga um frétt