4 ár fyrir stórfellt fíkniefnalagabrot
Setja bókamerki
Maður var dæmdur í fjögurra ára fangelsi fyrir stórfellt fíkniefnalagabrot í Héraðsdómi Reykjaness. Hann hafði, ásamt tveimur öðrum, staðið að innflutningi til Íslands á samtals 30.225 e-töflum til söludreifingar í ágóðaskyni.
Hinir tveir mennirnir, Einar Örn Adolfsson og Finnur Snær Guðjónsson, voru í maí árið 2014 dæmdir í sex ára fangelsi fyrir fíkniefnainnflutninginn en Hæstiréttur ómerkti þann dóm í september 2015 vegna vanhæfis dómara. Mál þeirra Einars Arnar og Finns Snæs voru tekin upp að nýju í héraði þar sem þeir voru dæmdir í fjögurra ára skilorðsbundið fangelsi í febrúar 2016.
Maðurinn sem nú hefur verið dæmdur í fjögurra ára fangelsi vegna málsins, Einar Sigurður Einarsson, hafði í ágúst 2011 farið til Amsterdam þar sem hann afhenti Einari Erni fíkniefnin, en Finnur Snær hafði fengið Einar Örn til verksins, í því skyni að þau yrðu flutt til Íslands. Þá sá Einar Sigurður einnig um að greiða hluta ferðakostnaðar og uppihalds hinna tveggja vegna ferðarinnar að því er fram kemur í dómi héraðsdóms. Fíkniefnin flutti Einar Örn með sér til Íslands frá Kaupmannahöfn í lok ágúst 2011.
Fram kemur í dómnum að Einar Sigurður hafi flutt til Ástralíu í mars 2013 og hafi ekki verið væntanlegur aftur til Íslands og því hafi mál sem höfðað hafði verið á hans hendur verið fellt niður í byrjun janúar 2014. Greinir frá því í dómnum að síðan 2011 hafi Einar Sigurður verið búsettur í Danmörku, á Íslandi, í Ástralíu og á Spáni. Hann hafi búið á Spáni þar til í lok janúar á þessu ári en þá komið aftur til Íslands.
Ákæruvald og lögregla höfðu ekki vitneskju um veru hans hér á landi fyrr en í byrjun apríl á þessu ári að því er segir í dómnum, en þá hafi hann átt bókað flug til Danmerkur daginn eftir. Var hann því handtekinn og úrskurðaður í farbann sem ekki var aflétt fyrr en við dómtöku málsins sem nú hefur verið dæmt í.
Auk fjögurra ára fangelsis sæti Einar Sigurður upptöku á 30.225 e-töflum, 1.756,08 grömmum af staðdeyfilyfinu lídókaín og 2.951,35 grömmum af alkóhólsykri. Þá ber honum að greiða 2.796.244 krónur í sakarkostnað
„Það þarf að vinna mikinn fjölda upp“
Telur forsendur fyrir vaxtalækkun
Kostnaður meiri en milljón á fermetra
Banna mengandi búnað sem leyfður er á Íslandi
Gígbarmurinn hækkað frá því í gær
Tveir í bílnum sem lenti utan vegar
Eyjafjarðarbraut lokað vegna alvarlegs umferðarslyss