Thomas mæti fyrir dóm í ágúst
Setja bókamerki
Fyrirhugað er að Thomas Møller Olsen, sem ákærður er fyrir að hafa myrt Birnu Brjánsdóttur að morgni laugardagsins 14. janúar, mæti fyrir dóm 21. ágúst þegar aðalmeðferð dómsmálsins hefst í Héraðsdómi Reykjaness.
Dómsformaðurinn í málinu, Kristinn Halldórsson, frestaði þinghaldi til mánudagsins 21. ágúst þegar vitnaleiðslum var lokið í morgun. Þá höfðu ákæruvaldið og verjandi Thomasar spurt sjö skipverja grænlenska togarans Polar Nanoq, þar sem Thomas var í áhöfn, um frásagnir Thomasar, upplifun þeirra og atburði um borð í skipinu.
Greinargerðin skrifuð á þýsku
Enn vantar greinargerð þýska réttarmeinafræðingsins Urs Olivers Wiesbrock og því þarf að fresta þinghaldinu. Fram kom við þinghaldið í morgun að þýða þyrfti greinargerðina, sem skrifuð er á þýsku, og hafði Kristinn það á orði að réttast væri að byrja á að þýða niðurstöðukafla hennar.
Skar höfuðleðrið af íslenskri konu
Tveir í bílnum sem lenti utan vegar
Væri að ljúga ef ég segðist ekki stressaður
Banna mengandi búnað sem leyfður er á Íslandi
„Það þarf að vinna mikinn fjölda upp“
Eyjafjarðarbraut lokað vegna alvarlegs umferðarslyss
Shakespeare fannst í skókassa
Kostnaður meiri en milljón á fermetra