Druslugangan gegn stafrænu kynferðisofbeldi

Fjölmennt var í göngunni, þar sem fólk af öllum stærðum og gerðum kom saman til að mótmæla kynferðisofbeldi og orðræðunni í kringum það. Í göngunni mátti sjá eldri borgara ganga við hlið ungmenna, fólk af öllum kynjum, erlenda ferðamenn og Íslendinga. Þá virtust erlendu ferðamennirnir hafa mikinn áhuga á göngunni og hugmyndafræði hennar.

Samkvæmt kynningunni á viðburði göngunnar er meginmarkmið hennar að ábyrgð kyn­ferðis­glæpa fær­ist frá þolend­um til gerenda. Þá segir: „Við berjumst gegn orðræðu sem gefur til kynna að kynferðislegt ofbeldi geti verið þolendum að kenna. Sú er aldrei raunin!“ 

Meginmarkmið göngunnar, að þessu sinni, er að berjast gegn stafrænu kynferðisofbeldi. mbl.is/Árni Sæberg

Í ár var megináhersla göngunnar á baráttu gegn stafrænu kynferðisofbeldi. Forsvarsmenn göngunnar segjast krefjast af dómstólum og samfélaginu að taka afstöðu og líta á stafrænt kynferðisofbeldi með sama hætti og önnur ofbeldisbrot.

Gangan hófst klukkan tvö við Hall­gríms­kirkju og endaði á Austurvelli. Þar tóku hátíðarhöld og tón­leik­ar. Á Ak­ur­eyri var gengið frá Ak­ur­eyr­ar­kirkju á sama tíma. Þetta er sjöunda árið í röð sem gang­an er far­in hér á landi en er­lend­is er hefð fyr­ir göng­unni und­ir heit­inu Slut Walk.

Tilurð göng­unnar má rekja til um­mæla sem lög­reglu­stjór­inn í Toronto lét eitt sinn falla um að nauðgan­ir væru á viss­an hátt á ábyrgð fórnalambanna sjálfra sem fyr­ir þeim yrðu. Frjáls­leg­ur klæðaburður ýtti und­ir nauðgan­ir. 

Margir sóttu Druslugönguna í dag, sem endaði á Austurvelli. mbl.is/Árni Sæberg

• Blogga um frétt