John Snorri á toppnum
Setja bókamerki
„Þegar við komum á toppinn þá rofaði til! Það var ótrúleg stund. Ótrúleg sjón, útsýnið og fjöllin í kring. Þetta var stórfenglegt,“ segir John Snorri Sigurjónsson um augnablikið þegar hann vann hið mikla afrek að sigra fjallið hættulega.
Á föstudag varð John Snorri fyrstur Íslendinga til þess að toppa fjallið K2. Í samtali við mbl.is lýsir hann því hvernig hópurinn var í 16 tíma á leiðinni frá fjórðu búðum upp á toppinn, í hræðilegu veðri.
Hópurinn lagði af stað í vind og þoku en þegar þau nálgast toppinn segir einn úr hópnum við John að það yrði heiðskýrt á toppnum. John spyr hann hvers vegna hann haldi það, ekkert bendi í raun til þess. „Alltaf þegar ég toppa svona fjöll þá er heiðskýrt,“ segir félaginn þá.
„Hvað heldur þú að gerist þegar við komum á toppinn? Það rofaði til! Ég er ekki að grínast við sáum hreinlega út um allt. Það var ótrúleg stund. Við vorum búin að vera 16 tíma á leiðinni í ömurlegu veðri og svo bara komum við á toppinn og þá var heiðskýrt. Það var ótrúleg sjón, útsýnið og fjöllin í kring þetta var stórfenglegt,“ segir John Snorri.
John Snorri er nú staddur í grunnbúðum K2 þar sem hann undirbýr brottför. Fyrsti leggurinn heim er 63 km ganga á skriðjökli. Ekki er komið á hreint hvenær hópurinn heldur af stað en það er á næstu dögum. Búist er við að John Snorr komi til Íslands um miðjan ágústmánuð.
Áheitasöfnun John Snorra fyrir Líf styrktarfélag er enn í fullum gangi og hægt er að heita á kappann á heimasíðu Lífsspors. Einnig er hægt að hringja í síma 908-1515 og leggja þannig til 1.500 krónur. Allur ágóði rennur beint til félagsins.
Mun fara sparlega með málskotsréttinn
Mikilvægt að vera á tánum
29 nautgripir fundust dauðir
Hafa „ágætis tíma“ til úrbóta
Segjast ekki vera á kaldri slóð
Myndskeið: Segjast hafa skotið niður sprengjuflugvél
Hæstiréttur staðfestir vanhæfi alls Landsréttar