Um 4.000 miðar hafa selst á undirbúningsleik ensku úrvalsdeildarliðanna West Ham og Manchester City sem fram fer á Laugardalsvelli á morgun kl. 14.
Leikurinn er lokahnykkurinn í undirbúningi liðanna fyrir komandi keppnistímabil en flautað verður til leiks í ensku úrvalsdeildinni viku síðar, föstudaginn 11. ágúst.
Liðin koma hingað til lands um hádegisbil í dag og æfa á Laugardalsvelli seinni partinn. Miðahöfum á Ofurleikinn, eins og hann er kallaður, gefst kostur á að mæta á æfingarnar. Að þeim loknum munu leikmenn spjalla við nokkra heppna áhorfendur og veita eiginhandaráritanir.