Borgarstjóri segist hlynntur gjaldtöku

Dagur B. Eggertsson borgarstjóri leggst ekki gegn þeirri ákvörðun leigutaka Perlunnar að rukka fyrir aðgang að útsýnispalli hússins, en pallurinn hefur um árabil notið mikilla vinsælda meðal fólks.

Í umfjöllun um mál þetta í Morgunblaðinu í dag segir hann að gjaldtakan sé í samræmi við viðauka samnings sem gerður hafi verið við leigutakann og það standi meðal annars til að koma fyrir á pallinum sérstökum sjónaukum sem veita breytta upplifun.

Dagur segir að í samningnum komi með skýrum hætti fram að almenningur hafi aðgengi að útsýnispallinum og að skólabörn í Reykjavík fái aðgang endurgjaldslaust, en fyrirhuguð gjaldtaka hefur vakið mikla athygli undanfarið.

Borgarstjóri er hlynntur gjaldtöku á útsýnispalli Perlunnar. mbl.is/Árni Sæberg