Lokað með ökutækjum og vopnuð sérsveit

Fiskidagurinn mikli á Dalvík er fjölmenn hátíð.
Fiskidagurinn mikli á Dalvík er fjölmenn hátíð. mbl.is/Skapti Hallgrímsson

„Það er engin breyting á áhættumati frá því í vor þannig við nálgumst þennan viðburð og Menningarnótt helgina eftir á sama hátt og aðra viðburði í sumar,“ segir Ásgeir Þór Ásgeirsson, yfirlögregluþjónn hjá lögreglunni á höfuðborgarsvæðinu, um það hvernig öryggisgæslu verður háttað í Gleðigöngunni á laugardag, en gangan er hápunktur Hinsegin daga.

„Við stýrum lokunum þannig að þær verji gangandi vegfarendur og verðum tilbúnir með lögreglumenn til að bregðast við öllu því sem upp kann að koma á þessari hátíð.“

Sérsveitin verður til staðar líkt og á 17. júní, Color run og Druslugöngunni, en Ásgeir vill meina að það sé ekkert nýtt, enda hafi sérsveitin verið hluti af löggæslunni frá árinu 1982. „Eins og alltaf þá sinnir sérsveitin löggæslu á höfuðborgarsvæðinu. Hvernig sérsveitin ákveður að hafa þeirra mannskap búinn er þeirra ákvörðun,“ segir hann aðspurður hvort sérsveitarmennirnir verði vopnaðir við störf sín.

Sérsveitin hefur verið vopnuð við gæslu á viðburðum í sumar og má því búast við að þannig verði það einnig á laugardag, ef gæslan verður með sama hætti og áður.

Götum lokað með ökutækjum

Gleðigangan fer ekki sömu leið og áður vegna mikilla framkvæmda í miðborginni, en Ásgeir segir það ekki hafa nein áhrif á skipulag öryggisgæslunnar. „Það er bara nýtt lokunarplan en það er aðallega Reykjavíkurborg sem fær þann hausverk. Þeir hafa sinnt því af stakri snilld. Þeir komu með drög að því hvernig lokunum skyldi háttað sem við erum búin að samþykkja fyrir okkar leyti, en þeir eru ábyrgir fyrir því.“

Lokanir verða með mismunandi hætti, að sögn Ásgeirs, en götum verður meðal annars lokað með bílum, járngrindum og steyptum veggjum. „Við notum ökutæki þar sem um lengri kafla að ræða, eins og við gatnamót og slíkt. Það eru líka staðir sem við viljum hafa mannaða til að opna ef það þarf að rýma eða fá aðstoð inn á svæðið.“

Þurfa því miður auka styrkinn

Það verða þó ekki eingöngu hátíðahöld í Reykjavík um helgina því Fiskidagurinn mikli fer fram á Dalvík á laugardag, og búist er við miklum fjölda gesta líkt og áður.

Sævar Freyr Ingason, lögregluþjónn á Dalvík, segist í samtali við mbl.is verða með 6 manns á vakt á daginn og 12 til 14 manns á nóttunni. „Það verður öflug almenn löggæsla hérna. Við erum til í hvað sem er og tilbúin að takast á við hvað sem er, en til viðbótar verða sérsveitarmenn á svæðinu,“ segir Sævar. Sérsveitarmenninna verða vopnaðir en þeir eiga ekki að vera sýnilegir almenningi.

Sævar vildi óska þess að ekki þyrfti að hafa sérsveitina á svæðinu, en bendir á að það sé orðin raunin á öllum hátíðum á Íslandi í dag. Það þurfi því miður að auka styrkinn með þessum hætti.

mbl.is

Bloggað um fréttina

Innlent »

Fjöldi heilabilaðra mun tvöfaldast

07:37 „Það er stórkostlegur áfangi að fá loksins stefnu í þessum málaflokki, þannig að hægt sé að fara að vinna eftir henni. Vonandi verður mótuð aðgerðaráætlun og farið af alvöru í þennan málaflokk sem er svo brýnn,“ segir Vilborg Gunnarsdóttir, framkvæmdastjóri Alzheimersamtakanna. Meira »

Jómfrúarferð Herjólfs í Landeyjahöfn

07:00 Herjólfur IV sigldi í fyrsta sinn í Landeyjahöfn á föstudag og gekk siglingin eins og áætlanir gerðu ráð fyrir.   Meira »

Hitinn víða yfir 20 stig

06:36 Útlit er fyrir svipað veður næstu tvo daga og líklegt að hiti fari víða yfir 20 stig á austurhelmingi landsins, að sögn veðurfræðings á Veðurstofu Íslands. Meira »

Þreyttir á virðingarleysi áhrifavalda

06:30 Íslendingar eru orðnir þreyttir á virðingarleysi áhrifavalda á Instagram en yfir 10 milljónir mynda hafa birst á samfélagsmiðlinum frá Íslandi, segir í frétt BBC. Þar segir að Ísland sé vinsæll áfangastaður þeirra sem vilja ná fullkominni mynd. Meira »

Þrír í haldi vegna heimilisofbeldis

05:58 Lögreglan á höfuðborgarsvæðinu handtók þrjá grunaða um heimilisofbeldi og eru þeir vistaðir í fangageymslum lögreglunnar.   Meira »

Aðeins fimm dómar hafa fyrnst í ár

05:30 Aðeins fimm óskilorðsbundnir dómar hafa fyrnst það sem af er ári en á síðustu árum hafa um 30 dómar fyrnst árlega.  Meira »

SAS flýgur til Íslands eftir áætlun

05:30 SAS mun fljúga í dag frá Kaupmannahöfn og Ósló til Keflavíkurflugvallar samkvæmt áætlun. Afgreiðslutímar hafa verið staðfestir, samkvæmt upplýsingum Isavia. Meira »

Kjöt selst í mun meiri mæli

05:30 Mun meira kjöt hefur selst í sumar en í fyrrasumar hjá Kjötsmiðjunni. Mest af kjötinu er íslenskt lambakjöt og söluaukning er einnig til staðar á nautakjöti, sem er innflutt að mestu. Þetta segir Sigurður V. Gunnarsson, forstjóri Kjötsmiðjunnar. Meira »

Mikil vanlíðan í Hagaskóla

05:30 „Á meðan nemendur mínir sitja of margir í litlum loftgæðum og Vinnueftirlitið hefur gefið Reykjavíkurborg frest til 1. október til að bæta úr litlum loftgæðum í átta stofum skólans er fé borgarinnar varið í mathallir og bragga.“ Meira »

Titringur á íbúðamarkaði

05:30 Sérfræðingar hjá Landsbankanum og Íslandsbanka telja að vegna breyttrar stöðu efnahagsmála þurfi mögulega að endurmeta væntingar um söluverð lúxusíbúða í miðborg Reykjavíkur. Vísbendingar séu um að markaðurinn sé mettaður. Meira »

Sala á viftum margfaldast vegna lúsmýs

05:30 Sala á borðviftum hefur margfaldast í sumar, miðað við fyrri ár. Ekki er það eingöngu hitinn sem veldur heldur hræðsla við hið alræmda lúsmý. Meira »

Sýn braut ekki gegn fjölmiðlalögum

Í gær, 23:45 Póst- og fjarskiptastofnun hefur komist að þeirri niðurstöðu að Sýn hafi ekki brotið gegn fjölmiðlalögum.  Meira »

Verði tekinn af skrá yfir heiðursfélaga

Í gær, 23:25 Jón Steinar Gunnlaugsson, lögmaður og fyrrverandi dómari við Hæstarétt, hefur sent Lögmannafélagi Íslands bréf þar sem hann óskar þess að nafn hans verði tekið af skrá yfir heiðursfélaga. Meira »

Erfiðir tímar án Jóns Þrastar

Í gær, 23:00 Jana Guðjónsdóttir, unnusta Jóns Þrastar Jónssonar sem hvarf sporlaust í Dublin á Írlandi í febrúar, biðlaði til áhorfenda sjónvarpsþáttarins Crimecall í kvöld að láta lögregluna vita ef þeir hafa einhverjar upplýsingar sem tengjast hvarfi hans. „Ég sakna hans svo mikið,“ sagði hún grátandi. Meira »

Nýr seðlabankastjóri skipaður í júlí

Í gær, 22:23 Gengið verður frá skipan nýs seðlabankastjóra í næsta mánuði, að sögn Katrínar Jakobsdóttur forsætisráðherra.  Meira »

Segir úttektina ekki gefa falleinkunn

Í gær, 22:10 „Hér er verið að innleiða þessu nýju lög eins og hjá öðrum sveitarfélögum á landinu. Ég lít ekki á þetta sem áfellisdóm eða falleinkunn heldur leiðbeinandi álit,“ segir bæjarstjóri Hveragerðis um úttekt gæða- og eftirlitsstofnunar félagsþjónustu og barnaverndar á þjónustu við fatlað fólk í bænum. Meira »

Skýrsla um Íslandspóst kynnt á morgun

Í gær, 21:50 Skýrsla Ríkisendurskoðunar um Íslandspóst ohf. verður kynnt á sameiginlegum fundi fjárlaganefndar og stjórnskipunar- og eftirlitsnefndar Alþingis í fyrramáli Meira »

„Þyrfti þá að læra íslensku“

Í gær, 21:00 Prestekla er viðvarandi vandamál í ystu byggðum Noregs. Gabriel Are Sandnes var beðinn að þiggja brauðið í Gamvik í nokkrar vikur þrátt fyrir að vera löngu farinn á eftirlaun. Hann ræddi við mbl.is um sorgina á hjara veraldar, þverrandi kirkjusókn og spíritisma. Meira »

Búast við einstakri stemningu

Í gær, 20:51 Þeir lofa skemmtun, stuði, óvæntum uppákomum og tónlist af bestu sort í Laugardalshöll annað kvöld. Fjórmenningarnir í Duran Duran eru hingað komnir til að halda tónleika og hlakka til að skemmta íslenskum aðdáendum sínum og rifja upp að á fyrri tónleikum sínum hér hafi verið einstök stemning. Meira »
Honda VTX 1800 Tilboð óskast
Ný dekk, nýr rafgeymir og power commander. Tilboð óskast . Uppl í s 8961339....
Sumarhús í Hvalfirði 55 km frá Reykjavík
Til leigu vel útbúin 2-4 manna sumarhús með heitum potti og gasgrilli. Frábært ú...
UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...
Húsgagnaviðgerðir og bólstrun
Ég tek að mér viðgerðir og bólstrun á gömlum og nýjum húsgögnum. Starfsemin fer ...