Í leitarflugi Landhelgisgæslu með björgunarsveitarmönnum Eyvindar á Flúðum í dag fannst lík af karlmanni á austurbakka Hvítár, neðan Brúarhlaða.

Þetta kemur fram á Facebook-síðu lögreglunnar á Suðurlandi.

Líkið hefur verið flutt til rannsóknar á Rannsóknarstofu Háskólans í réttarmeinafræði, þar sem fram fer krufning á því ásamt því að Kennslanefnd ríkislögreglustjóra mun vinna með réttarmeinafræðingi að því að bera kennsl á það.

Sterkar líkur eru á því að líkið sé af Nika Begadze, sem féll í Hvítá við Gullfoss fyrr í sumar.