Héraðsdómur Reykjavíkur framlengdi í dag gæsluvarðhald yfir Sveini Gesti Tryggvasyni sem grunaður er að hafa orðið Arnari Jónssyni Aspar að bana í Mosfellsdal. Þetta staðfestir Þorgils Þorgilsson verjandi Sveins í samtali við mbl.is.
Fréttastofa RÚV greindi frá því fyrr í dag að gæsluvarðhald yfir Sveini, sem setið hefur í gæsluvarðhaldi síðan 8. júní, hafi verið framlengt til 31. ágúst. Þá staðfesti Þorgils að búið sé að kæra úrskurðinn til Hæstaréttar.