Kvikmyndin Hjartasteinn er í hópi 51 kvikmyndar sem tilnefnd er til evrópsku kvikmyndaverðlaunanna í ár. Þrestir voru tilnefndir í fyrra.
Evrópsku kvikmyndaverðlaunin eru á vegum Evrópsku kvikmyndaakademíunnar (European Film Academy). Á næstu vikum munu rúmlega þrjú þúsund meðlimir akademíunnar greiða atkvæði um val á mynd ársins, leikstjóra, leikara, leikkonu og handritshöfundi Evrópu.
Hjartasteinn hlaut alls níu Eddur en hafði verið tilnefnd til sextán. Hún var verðlaunuð sem mynd ársins, fyrir kvikmyndatöku, klippingu, leikmynd og búninga auk þess sem Guðmundur Arnar Guðmundsson fékk verðlaun fyrir bæði leikstjórn sína og handrit. Blær Hinriksson og Nína Dögg Filippusdóttir voru verðlaunuð fyrir leik sinn í myndinni; hann fyrir leik í aðalhlutverki og hún í aukahlutverki.
Hér er listi yfir kvikmyndir sem eru tilnefndar.