Fyrstu fjárréttir um helgina
Setja bókamerki
Fyrstu fjárréttir verða um helgina. Listi yfir fjár- og stóðréttir hefur verið birtur í Bændablaðinu sem kom út í morgun.
Fjárréttir verða í Suðursveit á laugardag og í Víðikersrétt í Suður-Þingeyjasýslu á sunnudag.
Um aðra helgi verða meðal annars fjárréttir í Hraungerðisrétt í Eyjafjarðarsveit laugardaginn 2. september.
Í Kjósarrétt í Kjós verða fjárréttir 17. september og svo aftur 8. október. Í Hraðastaðarétt í Mosfellsdal verða einnig fjárréttir 17. september. Þær seinni verða 1. október.
Í Húsmúlarétt í Árnessýslu verða fyrri fjárréttir laugardaginn 16. september og þær síðari 30. september.
Fyrstu stóðréttir 16. september
Fyrstu stóðréttir hefjast laugardaginn 16. september í Sauðárkróksrétt og Skarðarétt í Skagafirði. Í V-Húnavatnssýslu verða stóðréttir í Víðidalstungurétt 7. október en ekki liggja fyrir upplýsingar um fleiri réttir í sýslunni. Fyrstu stóðréttir í A-Húnavatnssýslu verða í Skrapatungurétt 17. september.
Skipt eftir landshlutum
Upplýsingar í Bændablaðinu um dagsetningar rétta er skipt eftir landshlutum en í stafrófsröð innan hvers landshluta.
Í blaðinu segir að villur geti slæðst inn í lista sem þessa og eins geti náttúruöflin orðið til þess að breyta þurfi tímasetningum á smalamennsku og þar með réttarhaldi.
Yfirlit Bændablaðsins má sjá hér á blaðsíðu 32
„Hvílir mikil leynd yfir þessu öllu“
Handtekin eftir að tvö börn fundust látin
„Þetta náttúrulega endar með ósköpum“
Vona að Orkustofnun veiti ekki virkjunarleyfi
„Það þarf að vinna mikinn fjölda upp“
Hönnun sem bætir líf manna
Æskuvinur Íslendings myrtur í Noregi
„Á réttri leið en nokkuð í land ennþá“