Enginn miðahafi var með allar tölur réttar þegar dregið var út í Lottó í kvöld, en fyrsti vinningurinn hljóðaði upp á tæpar 6,8 milljónir króna. Sex voru hins vegar með fjórar tölur réttar í jókernum og fær hver um sig 100.000 krónur á mann, að því er fram kemur í tilkynningu frá Íslenskri getspá.
Tveir vinningsmiðanna voru seldir í Prinsinum í Mjódd, einn í N1 Háholti, einn á lotto.is og tveir miðanna eru í áskrift.
Vinningstölur í lottóinu voru 2, 16, 20, 25, 35. Bónustalan var 7.
Jókertölurnar voru 2, 7, 1, 0, 5.