Guðlaugur Þór Þórðarson utanríkisráðherra segir að allir vilji ná fríverslunarsamningi við Bretland. Þetta kom fram í viðtali sem breska ríkisútvarpið tók við hann.
„Þið eruð með fimmta stærsta hagkerfið í heiminum. Allir vilja selja ykkur vörur og þjónustu sína. Svo einfalt er þetta,“ sagði Guðlaugur Þór, að því er kom fram á vef Telegraph.
Ráðherrann hefur talað fyrir því að Bretar gangi í EFTA þar sem Ísland, Noregur, Liechtenstein og Sviss eru fyrir.
Guðlaugur Þór tjáði sig einnig í viðtalinu um útgöngu Breta úr ESB. „Það er mjög mikilvægt að við finnum lausn á þessu fljótt vegna þess að það er mjög mikilvægt að það verði engar tækni- eða viðskiptalegar hömlur í Evrópu.“
Any trade restriction in Europe would be "a step backwards," says @GudlaugurThor
— BBC Radio 4 Today (@BBCr4today) September 5, 2017
He says the UK should join EFTA (the 'Norway model') pic.twitter.com/9mqoZjsvXN