Engar efndir hjá ríkisstjórninni
Setja bókamerki
Logi Einarsson, formaður Samfylkingarinnar, sagði erindi ríkisstjórnarinnar ekkert annað en að viðhalda stöðnuðu kerfi, í umræðu um fjárlagafrumvarpið á Alþingi.
„Það er ekki verið að nota þetta svigrúm sem er til staðar til að búa okkur undir framtíðina,“ sagði Logi. „Það átti að breyta öllu fyrir kosningar og það töluðu allir í þá átt en það eru engar efndir.“
Hann sagði forsætisráðherra þess í stað ráðast á stéttarfélög og launafólk og segja þau helstu ógnina við stöðugleika, þegar helsta ógnin væri í raun og veru ríkisstjórnin sjálf.
Stenst ekki væntingar
Logi talaði um að stjórnarliðum hafi verið tíðrætt um norræna velferðarkerfið. Lagði hann áherslu á að það snúist ekki bara um efnahagslegan stöðugleika heldur félagslegan stöðugleika og skortur hafi verið á honum.
„Fjárlagafrumvarpið stenst engar væntingar þegar skoðuð eru einkunnarorð ríkisstjórnarinnar um jafnvægi og framtíð.“
Fjársveltir háskólar
Logi sagði fjárlagafrumvarpið kalla á niðurskurð í opinberri þjónustu og opinberu heilbrigðiskerfi. Háskólanir séu fjársveltir og hálfdrættingar á við skólana á Norðurlöndunum. Það sama megi segja um framhaldsskólana.
„Eins ótrúlegt og það nú er verða framhaldsskólarnir áfram í fjárkröggum þrátt fyrir erfið ár,“ sagði hann.
Einnig nefndi hann að framlög til samgöngumála væru mjög langt frá kosningaloforðum. Víða um landið hafi samgöngukerfið ekki náð að uppfylla lágmarkskröfur.
Shakespeare fannst í skókassa
Eyjafjarðarbraut lokað vegna alvarlegs umferðarslyss
Krefjast stöðvunar framkvæmda
Handteknir eftir myndatöku í Vesturbæjarlaug
„Hvílir mikil leynd yfir þessu öllu“
Árshátíð ríkislögreglustjóra haldin í Tékklandi
Gígbarmurinn hækkað frá því í gær
Sex hafa greinst með listeríu