Enn leitað lausna fyrir drengina

Björn Eggert Gústavsson og Óskar Gíslason.
Björn Eggert Gústavsson og Óskar Gíslason. mbl.is/Kristinn Magnússon

Mál tveggja fatlaðra 16 ára drengja sem fengu ekki skólavist í framhaldsskóla í haust hefur verið til skoðunar og úrlausnar hjá mennta- og menningarmálaráðuneytinu frá því um miðjan júní. Enn vinnur ráðuneytið að því að leita lausna í málinu í samráði við hlutaðeigandi þjónustumiðstöð í Reykjavík, samkvæmt upplýsingum frá ráðuneytinu, og er vonast til að lausn finnist innan tíðar.

Drengirnir búa á heimili fyrir börn í Þingvaði í Norðlingaholti sem fellur undir Þjónustumiðstöð Árbæjar og Grafarholts. Sólveig Reynisdóttir, framkvæmdastjóri þjónustumiðstöðvarinnar, segir það fyrst og fremst málefni ráðuneytisins að finna drengjunum samastað í skóla. Hlutverk þjónustumiðstöðvarinnar sé að fylgjast með að ekki sé brotið á þeim og ýta á að þeir fái skólavist sem fyrst.

„Ég á ekki von á að þeir komist inn í framhaldsskóla fyrir áramót en ég vona að þeir fái einhverja lausn,“ segir Sólveig.

Komið hefur fram að ráðuneytið hefur í huga að semja við Ás styrktarfélag um að finna úrræði fyrir drengina. Ekki er búið að ganga frá neinu varðandi þá hjá Ási en þangað hefur verið leitað til að skoða möguleika, að sögn Þóru Þórarinsdóttur, framkvæmdastjóra Áss styrktarfélags.

Ekkert annað en geymsla

Stefanía Björg Sigfúsdóttir, forstöðukona heimilis drengjanna í Þingvaði, segir ekkert vera að gerast í málefnum þeirra. „Ég get ekki ímyndað mér að lausn sé í sjónmáli innan tíðar og ef ráðuneytið ætlar að semja við Ás þá tekur það ferli sinn tíma. Ás á að vera ígildi skóla en er vinnustaður fyrir fatlaða og verður enginn skóli. Þótt það verði búið til eitthvert úrræði fyrir þá verður það ekkert annað en geymsla. Þeir eiga rétt á fjórum árum í framhaldsskóla og þetta ár verður dregið frá þeim,“ segir Stefanía.

Mennta- og menningarmálaráðuneytið bendir á að stefna um menntun án aðgreiningar útiloki ekki að nemendur fái tímabundið sérúrræði innan eða utan almenna menntakerfisins, þar sem meginatriðið er að nám og önnur þjónusta sé við hæfi í samræmi við metnar þarfir.

Persónuvernd stendur í veginum fyrir upplýsingum

Ástæðan fyrir því að drengirnir komust ekki inn í framhaldsskóla í haust er að starfsbrautir sem henta þeim eru fullar því óvenjufáir nemendur útskrifuðust af þeim síðastliðið vor. Sótt var um pláss fyrir drengina bæði í Fjölbrautaskólanum við Ármúla, þar sem pláss er fyrir um 30 nemendur á starfsbraut, og í Menntaskólanum í Kópavogi, þar sem um 15 nemendur eru teknir inn á starfsbraut fyrir einhverfa. Þeir fengu synjun á báðum stöðum.

„Ég hef stýrt heimilum fyrir fötluð börn síðan 2008 og það hefur aldrei fyrr komið fyrir að barn fái neitun um skólavist. Strákarnir eru 16 ára og það var alltaf vitað að þeir myndu útskrifast úr grunnskóla í vor og að þeir þyrftu pláss í framhaldsskóla,“ segir Stefanía.

Hvorki mennta- og menningarmálaráðuneytið né menntamálastofnun fá tæmandi upplýsingar frá grunnskólum um fjölda fatlaðra nemenda sem þurfa á námsvist á starfsbrautum að halda, samkvæmt upplýsingum frá ráðuneytinu. Orsakirnar fyrir því eru ýmsar: „Þar má nefna að grunnskólum er ekki heimilt, samkvæmt lögum, að senda upplýsingar um nemendur til þriðja aðila, heldur bera foreldrar ábyrgð á að upplýsingar berist til hlutaðeigandi. Gæta þarf persónuverndar við öflun upplýsinga og það hefur að vissu leyti staðið í vegi fyrir að menntamálastofnun og ráðuneytið geti kallað eftir ítarlegum upplýsingum um þjónustuþörf fatlaðra nemenda. Verið er að leita leiða til að gera slíka upplýsingaöflun aðgengilega, sem er nauðsynleg forsenda þess að framhaldsskólar geti undirbúið inntöku nemenda sem þangað sækja,“ segir í upplýsingum frá ráðuneytinu.

Fer mjög illa í þá

Drengirnir eru nú heima fram að hádegi með tvo starfsmenn með sér og eftir hádegi fara þeir í frístundastarf hjá Hinu húsinu. „Vegna óvissunar um afdrif þeirra get ég ekki ráðið neitt fast fólk inn. Ég þarf að fá tvo aukastarfsmenn inn alla daga til að vera með þeim á morgnana og þeim redda ég frá degi til dags því ég get ekki ráðið fólk ef það væri svo kannski búið að finna úrræði fyrir þá eftir viku,“ segir Stefanía.

Drengirnir eru einhverfir og með hegðunarröskun og óvissan leggst mjög illa í þá að sögn Stefaníu.

„Þetta hefur áhrif á þá og hefur gert frá degi eitt, allar svona breytingar og rútínuleysi fer mjög illa í þá; einstaklinga sem þrífast á rútínu og skipulagi. Það fer vel um þá heima en við bjóðum ekki upp á skólaþjónustu.“

Innlent »

Segja Hval hf. hafa veitt kálffulla langreyði

21:21 Dýraverndunarsamtökin Hard to Port saka Hval hf. um að hafa veitt kálffulla langreyði í útrýmingarhættu fyrr í dag. Myndir af atvikinu dreifðust hratt um samfélagsmiðla og efnt var til mótmæla klukkan hálfníu í kvöld fyrir utan húsnæði Hvals hf. í Hvalfirði. Meira »

Stuðningsfulltrúinn snýr ekki aftur

20:43 Stuðningsfulltrúinn fyrrverandi, sem var sýknaður af ákæru um að hafa beitt börn kynferðisofbeldi er hann starfaði hjá Barnavernd Reykjavíkur, fær ekki að snúa aftur í starfið. Þetta staðfestir Regína Ásvaldsdóttir, sviðsstjóri velferðarsviðs Reykjavíkur, í samtali við mbl.is. Meira »

Funduðu um stöðu íslenskra flugfélaga

20:18 Forsætisráðherra fundaði í dag með fjármálaráðherra, samgönguráðherra og ráðherra ferða-, iðnaðar- og nýsköpunarmála vegna stöðu íslensku flugfélaganna. Ráðherrarnir ræddu skýrslu starfshóps sem kannar kerfislæg mikilvæg fyrirtæki. Flugfélögin hafa ekki óskað eftir aðstoð frá ríkinu. Meira »

Ekkert kynslóðabil í sveitinni

20:00 Hljómsveitin „Key to the Highway“, sem einbeitir sér að lögum, sem Eric Clapton hefur komið að og spilar gjarnan á tónleikum, heldur lokatónleika sumarsins þar sem ævintýrið hófst, í félagsheimilinu Brún í Bæjarsveit í Borgarfirði miðvikudaginn 22. ágúst næstkomandi. Meira »

„Alvarlegur vandi“ á Seltjarnarnesi

19:22 Foreldrar á Seltjarnarnesi bíða nú upp á von og óvon eftir því hvort börn þeirra, sem áttu að komast í aðlögun nú í ágúst, komist í aðlögun á næstu mánuðum. Enn á eftir að manna nokkur stöðugildi á nýjum deildum leikskólans sem verða opnaðar vegna mikillar fjölgunar í sveitarfélaginu. Meira »

Óperusöngævintýri Bertu á Ítalíu

19:09 „Það var svo gaman að koma í svona gamalt hús og syngja,“ segir Berta. „Manni finnst þetta eiga svo vel heima á svona stað, að syngja óperur og aríur í svona gamalli höll. Það er alveg stórbrotið.“ Meira »

Góða veðrið kvatt

18:50 Veðurspár gera ráð fyrir því að góða veðrið sem lék við höfuðborgarbúa á Menningarnótt um helgina sé að baki. Fram undan eru blautir dagar en gert er ráð fyrir því að það rigni eitthvað alla daga fram að helgi í Reykjavík. Meira »

Viðbúnaður vegna hótunar pilts

18:37 Sérsveit ríkislögreglustjóra var kölluð til að Varmárskóla í Mosfellsbæ síðdegis í dag eftir að lögreglunni hafði borist símtal um að viðkomandi væri staddur þar vopnaður skotvopni og stuðbyssu og hefði uppi hótanir. Meira »

Stýrimaðurinn gerir að nótinni

18:21 Daglegt líf fólksins í landinu leitar nú að nýju til jafnvægis og rútínu eftir sumarleyfi. Skólastarf hefst í vikunni og atvinnulífið rúllar áfram. Nýtt fiskveiðiár hefst 1. september og sjómenn víða um landið eru að gera klárt svo leggja megi á djúpið. Meira »

Segir meintan þrýsting ýkjur

17:53 „Ég túlka það ekki þannig að það hafi verið um þrýsting að ræða í hennar orðum. Það eru ýkjur að tala um þrýsting á íslenska þingmenn,“ segir Rósa Björk Brynjólfsdóttir, þingmaður VG og varaformaður utanríkismálanefndar, í samtali við blaðamann mbl.is um fund þingmanna með utanríkisráðherra Noregs. Meira »

Áhættumatið kynnt á næstu vikum

16:55 Vinna við áhættumat sem erlendur sérfræðingur, Preben Willeberg, hefur unnið fyrir landbúnaðarráðuneytið um innflutning gæludýra er mjög langt komin. Þetta kemur fram í svörum landbúnaðarráðuneytisins við fyrirspurn mbl.is. Meira »

Afbrotum fjölgar í flestum flokkum

16:39 Skráðum afbrotum hefur fjölgað í 9 flokkum af 14 það sem af er ári. Þó hefur afbrotum fækkað í flestum flokkum miðað við síðastliðna sex og tólf mánuði. Það sem af er ári hefur skráðum ölvunarakstursbrotum fjölgað um 40% og fíkniefnaakstursbrotum um 59% miðað við meðaltal á sama tímabili sl. 3 ár. Meira »

Óskar eftir vitnum að líkamsárás

16:15 Lögreglan á Suðurlandi óskar eftir vitnum að líkamsárás sem átti sér stað 6. ágúst um klukkan 1.40 þegar hópur manna veittist að tveimur karlmönnum. Meira »

Nýr aðstoðarmaður Sigmundar Davíðs

15:47 Sigmundur Davíð Gunnlaugsson, formaður Miðflokksins, hefur ráðið nýjan aðstoðarmann. Hann heitir Jón Pétursson og er einn af stofnendum Miðflokksins. Meira »

Endurskoða tekjuskattskerfið

14:33 Ríkisstjórn Katrínar Jakobsdóttur og aðilar vinnumarkaðarins hafa fundað tíu sinnum frá því í desember í fyrra. Endurskoðun tekjuskattskerfisins og frumvarp um nýtt fyrirkomulag launa kjörinna fulltrúa eru á meðal þeirra verkefna sem eru í vinnslu. Meira »

Staðan ekki auglýst með fyrirvara

14:32 „Þessi staða er auglýst til fimm ára eins og allar svona stöður. Það er ekki farið að skoða hvað yrði þegar og ef Þjóðgarðsstofnunin verður til,“ segir Ari Trausti Guðmundsson. Auglýst hefur verið eftir nýjum þjóðgarðsverði, en fyrr í sumar voru drög að frumvarpi um sameiningu þjóðgarðanna kynnt. Meira »

„Þetta er bara ömurlegt“

14:03 Ferðamenn sem keyrðu utan vegar og tjölduðu á Skeiðarársandi hafa verið tilkynntir til lögreglu af bílaleigunni sem leigði þeim bílinn. Bogi Jónsson hjá Campingcars segir við mbl.is að ferðamennirnir verði boðaðir í skýrslutöku hjá lögreglunni vegna málsins. Meira »

Þrjú umferðaróhöpp á Suðurnesjum

13:44 Nokkur umferðaróhöpp komu inn á borð lögreglunnar á Suðurnesjum um helgina. Ökumaður var fluttur með sjúkrabíl á Heilbrigðisstofnun Suðurnesja eftir árekstur á Vogavegi. Þá hafði bifreið verið ekið inn í hlið annarrar bifreiðar. Bifreið þess sem slasaðist var fjarlægð með dráttarbifreið. Meira »

„Fréttin strax orðin gömul“

13:14 „Makríllinn er sprettharður fiskur og það getur verið mikil fart á honum. Í túrnum eltum við hann í yfir 100 mílur á einungis tveimur sólarhringum. Hann fer svo hratt yfir að þegar fréttist af makríl einhvers staðar er fréttin strax orðin gömul því það er engin vissa fyrir því að finna makríl þegar komið er á staðinn.“ Meira »