Dregið úr hjólahraða á stígum

Skipulags- og umferðarnefnd Seltjarnarness hefur samþykkt að setja merkingar á nokkra staði á göngustígum í bænum.

Þetta er gert til að freista þess að draga úr hraða hjólreiðamanna sem eiga leið um stíga á Nesinu og minna alla þá sem fara um stígana á að sýna öðrum vegfarendum tillitssemi.

Þessi samþykkt er gerð að gefnu tilefni, að sögn Bjarna Torfa Álfþórssonar, bæjarfulltrúa á Seltjarnarnesi og formanns nefndarinnar. Í umfjöllun um mál þetta í Morgunblaðinu í dag  kemur fram að borist hafi kvartarnir vegna þess að sumir hjólreiðamenn, stundum saman í hóp, hafa hjólað ansi greitt á stígum þar sem umferð gangandi og hjólandi er ekki aðskilin.