Ósnortin víðerni ein mesta auðlind þjóðarinnar

Páll Guðmundsson, framkvæmdastjóri Ferðafélags Íslands, fer á hverju ári í ...
Páll Guðmundsson, framkvæmdastjóri Ferðafélags Íslands, fer á hverju ári í Árneshrepp á Ströndum. Ljósmynd/Páll Guðmundsson

Skilningur á gildi óbyggðra víðerna í útivist Íslendinga hefur verið að aukast hratt síðustu ár, segir Páll Eysteinn Guðmundsson, framkvæmdastjóri Ferðafélags Íslands. „Ósnortin víðerni og óspillt náttúra er ein mesta auðlind þjóðarinnar og við þurfum að varðveita hana til framtíðar.”

Hann segir að Ferðafélags Íslands leggi mikla áherslu á að óbyggðir landsins verði verndaðar. Í umhverfisstefnu félagsins er lagst gegn stórfelldum, manngerðum framkvæmdum í óbyggðum. „Þó að það hafi breyst mikið á undanförnum árum þá held ég að við höfum ekki ennþá áttað okkur til fulls á verðmæti ósnortinna víðerna og óspilltrar náttúru.“

Hann segir að í starfi Ferðafélagsins sé lögð áhersla á að náttúran fái að njóta vafans í samskiptum við manninn. Félagið gefi sig ekki út fyrir að vera á móti virkjunum en hvetur frekar til þess að þau svæði sem þegar hafa verið lögð undir slíkt séu nýtt betur sem og fleiri möguleikar til orkuöflunar skoðaðir eins og t.d. vindmyllur. „Svo eru alls konar framtíðarmöguleikar sem eru innan seilingar í þessum efnum, svo sem virkjun sjávarstrauma í sjávarföllum. Þess vegna borgar sig að flýta sér hægt í þessum efnum því það hljóta allir, hver svo sem skoðun þeirra er á frekari virkjunum, að vilja fara bestu leiðina til framtíðar litið.“

Náttúran sem auðlind aldrei verðlögð

Páll telur að sjálfbær ferðaþjónusta, með náttúruvernd og sátt við samfélagið að leiðarljósi, eigi eftir að vaxa enn frekar fiskur um hrygg. „Og í allri þessari umræðu sem verið hefur um virkjanir þá hefur náttúran sem auðlind í sjálfri sér aldrei verið verðlögð. Það er ekki gert ráð fyrir þeirri auðlind sem óspillt náttúra er í útreikningunum.“

Hann bendir á að náttúran sé auðlind þjóðarinnar og til framtíðar litið sé brýnt að vernda hana. „Ferðaþjónustan er farin að skapa okkur miklar gjaldeyristekjur. Atvinnugreinin er ung hér á landi og ég tel að við eigum mjög mikið inni enn hvað hana varðar.“

Í matsskýrslu um umhverfisáhrif fyrirhugaðrar Hvalárvirkjunar í Árneshreppi á Ströndum, kemur fram að framkvæmdin myndi hafa neikvæð áhrif á flesta þætti svo sem vatnafar, gróðurfar, dýralíf, náttúruminjar og fleira. „Um leið mun virkjunin skerða tækifæri til uppbyggingar út frá forsendum náttúrunnar.“

Páll segir að ýmis tækifæri séu fyrir hendi í Árneshreppi ...
Páll segir að ýmis tækifæri séu fyrir hendi í Árneshreppi hvað ferðamennsku varðar. „Það væri hægt að bjóða upp á fuglaskoðun, hvalaskoðun og svo er gróðurfarið einstakt. Þróun og tækifæri í sjálfbærri ferðaþjónustu á svæðinu eru miklir.“ Myndin er af Krossneslaug. Ljósmynd/Páll Guðmundsson

Mörg tækifæri til uppbyggingar

Páll heimsækir Árneshrepp  á hverju ári. „Mér finnst alltaf eins og ég sé að keyra inn í nýjan heim.“ Hin óspillta og mikilfenglega náttúra spilar þar stórt hlutverk en hið einstaka samfélag þeirra sem þar búa ekki síður. „Og það er þetta sem dregur mann þangað aftur og aftur. Þetta er stóra auðlindin á svæðinu.“

Mikil fólksfækkun hefur átt sér stað í Árneshreppi síðustu áratugi. „Hvað framtíð samfélagsins þarna varðar þá væri miklu nær að skapa þar störf til framtíðar, til dæmis í ferðaþjónustu.“

Páll nefnir sem dæmi að mögulega væri heilsuhótel og náttúrusetur áhugaverðir kostir. „Dýralífið þarna er auðvitað fjölbreytt og stórkostlegt. Það væri hægt að bjóða upp á fuglaskoðun, hvalaskoðun og svo er gróðurfarið einstakt. Þróun og tækifæri í sjálfbærri ferðaþjónustu á svæðinu eru miklir. “

Virkjunin mun hins vegar ekki skapa nein störf til framtíðar. Hún verður mannlaus. Páll óttast að hún muni líklega hafa neikvæð áhrif á ferðaþjónustu á svæðinu. „Annars konar uppbygging, án virkjunar, myndi hafa miklu meiri áhrif á ferðamennskuna á þessum slóðum.“

Stórkostleg fossaröð

Ljóst er að verði virkjað á Ófeigsfjarðarheiði í Árneshreppi mun rennsli minnka í ánum þremur sem verða virkjaðar. Hlutar árfarveganna verða nánast þurrir á tímabilum ár hvert. „Ég efast ekkert um að framkvæmdaaðilar vilji vanda sig og sjá til þess mannvirki verði eins lítið sýnileg og frekast er unnt en það breytir ekki því að helstu áhrifin koma fram í vatnsmagninu í ánum. Stórkostleg fossa- og flúðaröð verður skemmd með þessari framkvæmd.“

„Mér finnst alltaf eins og ég sé að keyra inn ...
„Mér finnst alltaf eins og ég sé að keyra inn í nýjan heim,“ segir Páll um samfélagið og náttúruna á Ströndum. Ljósmynd/Páll Guðmundsson

Til stendur að leggja bráðlega fram tillögu að breyttu aðal- og deiliskipulagi í Árneshreppi, þar sem gert er gert ráð fyrir veglagningu frá Trékyllisvík, um Ingólfsfjörð og inn í Ófeigsfjörð. „Þetta er vegur sem liggur um þessa tvo einstöku eyðifirði,“ segir Páll. Samkvæmt tillögunum á að byggja vegslóðann upp þannig að hann verði fjórir metrar á breidd og áhrifasvæði hans verði tólf metrar á breidd.

Veginum er ætlað að bera þungaflutninga. „Þessi vegur mun hafa verulega neikvæð sjónræn áhrif inn í þá einstöku náttúru sem finna má í þessum fjörðum.“

Einstakt land

Páll segir að bæta verði raforkuöryggi á Vestfjörðum, á því leiki enginn vafi. Hins vegar spyr hann hvort áherslan sé rétt, að byrja á að byggja stóra virkjun á Ófeigsfjarðarheiði sem skerða mun verulega óbyggð víðerni. „Fyrirhugað framkvæmdasvæði er á einstöku landi óspilltrar náttúru og tengist Hornströndum sem eru einstakar á heimsvísu og skipta Vestfirðinga miklu máli. Til eru aðrar leiðir til að tryggja afhendingaröryggi raforku til Vestfjarða en að ráðast í þessa virkjun. Hugmyndir um virkjanir í óspilltri náttúru í óbyggðum ættu að heyra sögunni til. “

mbl.is

Innlent »

Sjóveðurfréttirnar halda enn gildi sínu

08:00 Sjóveðurfréttir hafa frá áramótum verið lesnar klukkan 5.03 að morgni á Rás 1 í Ríkisútvarpinu, að loknum útvarpsfréttum sem sendar eru út klukkan fimm. Áður voru sjóveðurfréttirnar lesnar klukkan 4.30 en með þessum breytingum verða allir veðurfréttatímar í kjölfar útvarpsfrétta á RÚV. Meira »

Ók á kyrrstæða bíla og svo á brott

07:22 Yfir 80 mál komu upp hjá lögreglunni á höfuðborgarsvæðinu frá því klukkan sjö í gærkvöldi fram á morgun og voru níu vistaðir í fangageymslu í nótt. Tveir menn voru meðal annars handteknir í Reykjavík seint í gærkvöldi grunaðir um sölu og dreifingu fíkniefna. Voru þeir vistaðir í fangageymslu. Meira »

Þungfært víða og Hellisheiði lokuð

07:13 Hellisheiði er enn lokuð eftir að hafa verið lokuð í nótt vegna veðurs. Þá eru hálkublettir á Reykjanesbraut, en hálka og éljagangur á Grindarvíkurvegi. Hálka eða snjóþekja er á flestum öðrum leiðum á Suðvesturlandi. Meira »

Þrennt alvarlega slasað eftir árekstur

Í gær, 22:30 Þrír liggja alvarlega slasaðir á Landspítalanum eftir árekstur tveggja bíla á Suðurlandsvegi austan við Hjörleifshöfða á fimmtudagskvöld, breskt par og einstaklingur frá Taívan. Meira »

Taumlaus gleði og hamingja

Í gær, 21:58 Hamingja á heimsvísu. Þó að úti hamist stríð um hagsmuni er mannsandinn samur við sig. Ástar er þörf!  Meira »

Staðbundnar fréttaveitur hlunnfarnar

Í gær, 20:45 Fjölda staðbundinna fjölmiðla íslenskra þykir sinn hlutur fyrir borð borinn í frumvarpi um breytingar á fjölmiðlalögum, ef marka má umsagnir þeirra flestra inni á samráðsgáttinni á vefsvæði stjórnvalda. Meira »

Stoltir af breyttri bjórmenningu hér

Í gær, 20:26 „Við erum að fá algjörlega mögnuð brugghús í heimsókn til okkar. Þetta verður mjög spennandi hátíð,“ segir Ólafur Ágústsson, einn skipuleggjenda The Annual Icelandic Beer Festival sem haldin verður í áttunda sinn í næstu viku. Hátíðin stendur frá fimmtudegi til laugardags og er að þessu sinni haldin í aðdraganda þess að þrjátíu ár eru liðin frá fyrsta Bjórdeginum. Meira »

Tveir með fyrsta vinning í Lottó

Í gær, 19:57 Tveir heppnir lottó­spil­arar voru með all­ar fimm töl­ur rétt­ar í lottóút­drætti kvölds­ins og hlýtur hvor þeirra 3,8 milljónir króna í sinn hlut. Annar vinningshafinn er í áskrift en hinn keypti miðann á lotto.is. Meira »

Úr tombólu í árlega bjórhátíð í þrjá áratugi

Í gær, 19:30 Fyrst var leyfilegt að selja bjór hérlendis 1. mars 1989 og allar götur síðan hefur Lionsklúbburinn Ásbjörn í Hafnarfirði minnst þessara tímamóta. Meira »

RÚV verði að gefa eftir

Í gær, 18:58 Ofarlega á baugi í umsögnum fjölmiðla við nýtt frumvarp um fjölmiðla er staða RÚV á auglýsingamarkaði, sem þeir segja margir að geri öðrum miðlum ómögulega erfitt fyrir. Meira »

Hvetja ráðherra til að ljúka friðlýsingu

Í gær, 18:42 Lilja Alfreðsdóttir, mennta- og menningarmálaráðherra, er hvött til að ljúka friðlýsingu Víkurkirkjugarðs, alveg að austustu mörkum hans, eins og þau voru árið 1838. Þetta kom fram í ályktun baráttufundar um verndun Víkurkirkjugarðs í Iðnó í dag. Meira »

Varað við ferðalögum í kvöld og nótt

Í gær, 18:13 Spár gera ráð fyrir norðaustanhríðarveðri víða á landinu í nótt og varað er við ferðalögum um landið seint í kvöld og nótt eftir að þjónustutíma lýkur. Meira »

Bátur á reki úti fyrir Austurlandi

Í gær, 16:55 Um klukkan eitt í dag var óskað eftir aðstoð björgunarskips á Austurlandi vegna báts sem var á reki níu sjómílum suður af Stokksnesi. Báturinn var við veiðar þegar hann misst samband við stýrið og rak því stjórnlaust frá landi. Meira »

Betri undirbúningur hefði sparað vinnu og fé

Í gær, 16:40 Alls nam kostnaður vegna flutnings Fiskistofu til Akureyrar árið 2016 tæplega 180 milljónum króna. Stærstu einstöku liðirnir eru vegna starfslokakostnaðar upp á 45 milljónir og flugkostnaður innanlands, dagpeningar og annar ferða- og dvalarkostnaður nam samtals um 42 milljónum. Meira »

Selmu Björns boðið að skemmta í Ísrael

Í gær, 16:22 Selmu Björnsdóttur söngkonu var boðið að koma og syngja á skemmtun í Ísrael í Eurovision-vikunni í maí. Skemmtunin fer ekki fram á vegum sjálfrar hátíðarinnar heldur einkaaðila. Meira »

Ekki fylgst með kílómetrafjöldanum

Í gær, 16:05 Engar sérstakar athugasemdir eru gerðar við það í skoðunarferli bíla hér á landi, þó að kílómetrastaða bílsins sé röng. Bíla, sem t.d. er búið að skipta um mælaborð í, er hægt að nota áfram sem bílaleigubíla, án þess að nokkrar athugasemdir séu við það gerðar af hálfu eftirlitsaðila. Meira »

Jóns leitað logandi ljósi í Dyflinni

Í gær, 15:10 Leit heldur áfram að Jóni Þresti Jónssyni, Íslendingi er hvarf í Dyflinnarborg fyrir viku. Fjölskylda hans er nú stödd þar eystra og leitar hans ásamt lögreglunni þar. Meira »

Höfðu beðið og leitað

Í gær, 13:49 Ævilangri leit Gunnars Smith að föður sínum lauk á síðasta ári en eftir að hafa reynt allt í leitinni kom sonur hans, Hlynur Smith, honum á sporið. Meira »

Lesendur „ekki bara einhverjir túristar“

Í gær, 13:10 The Reykjavík Grapevine og Iceland Review, íslenskir fjölmiðlar sem skrifa á ensku, gera alvarlegar athugasemdir við ákvæði í frumvarpi að lögum um styrki til fjölmiðla, um að efnið verði að vera á íslensku. Meira »
Tek að mér
Tek að mér ýmiskonar húsaviðhald, Uppl. í síma 847 8704 manninn@hotmail.com...
LAND ROVER DISCOVERY 3 S, sjálfsk., disel, 7 manna
Til sölu LAND ROVER DISCOVERY 3 S, sjálfskiptur, dísel, 7 manna ekinn 204.000 km...
Bílskúr til leigu á Hjarðarhaga, 105 Reykjavík
Til leigu 24,5 fermetra upphitaður bílskúr. Leigist sem geymsla,,ekki fyrir viðg...
Höfuðverkur, endalaus þreyta, svefnleysi
Er með til leigu OZONE lofthreinsitæki ( margir kalla þetta JÓNAR tæki ). Eyði...