Björt framtíð lýsir þungum áhyggjum af stöðu lýðræðis í landinu í kjölfar þess að lögbann var sett á fréttaflutning af tengslum stjórnmálafólks og viðskiptalífs, þar sem hindruð hefur verið miðlun upplýsinga er varðar almannahag.

Þetta kemur fram í tilkynningu frá Bjartri framtíð. „Fyrir réttum mánuði síðan tók stjórn Bjartrar framtíðar ákvörðun um ríkisstjórnarslit, í kjölfar trúnaðarbrests og leyndarhyggju þar sem flokkurinn sem fór með forsætisráðuneytið varð uppvís að eiginhagsmunagæslu á kostnað fólks í viðkvæmri stöðu, þolenda ofbeldis,“ segir í tilkynningunni.

Björt framtíð lagði fram frumvarp um vernd uppljóstrara og miðlun upplýsinga veturinn 2014-15 en frumvarpið var ekki samþykkt. „Brýnt er að þeir sem uppljóstra um spillingu njóti efnahagslegrar og félagslegrar verndar og verndar gegn málsóknum. Spilling skilgreinist sem misbeiting á opinberu valdi til persónulegs ávinnings. Mikilvægt er að vernda þá sem uppljóstra um misgerðir sem varða almannahag. Björt framtíð mun áfram berjast fyrir því að tryggja vernd uppljóstrara í íslenskum lögum,“ kemur fram í tilkynningunni.

Flokkurinn fordæmir þetta inngrip í starfsemi fjölmiðla og aðhald með stjórnmálum sem felst í lögbanni sem hefur verið lagt á fjölmiðlana Stundina og Reykjavík Media. Almenningur eigi rétt á því að vera upplýstur um fjárlagsleg og viðskiptaleg hagsmunatengsl stjórnmálamanna.

„Sérlega alvarlegt hlýtur að teljast að binda hendur fjölmiðla í aðdraganda kosninga til Alþingis, ekki síst í ljósi þess að afleiðingar lögbannsins munu vara fram yfir kosningar.“

Tengdar fréttir

Sjóður 9

„Setur málin í undarlegt samhengi“

• Afar óheppileg tímasetning lögbanns
• Óþolandi árás á tjáningarfrelsið
• „Finnum fyrir miklum stuðningi“
• Nefndin fundar vegna lögbannsins

» Fleiri tengdar fréttir

Lögbann á Glitnisskjöl

Breyting á lögum um lögbann á fjölmiðlaumfjöllun

• Dómurinn tjáningarfrelsinu í vil
• Glitnir tapaði í Hæstarétti
• „Rússneskur Pútínblær“ hjá Glitni
• „Fjölmiðlar verði ósnertanlegir“

» Fleiri tengdar fréttir

• Blogga um frétt