„Þetta var mjög saklaust“
Setja bókamerki
„Ég fékk lögreglumann til að keyra þarna framhjá rétt á meðan myndatakan fór fram,“ segir Vilhjálmur Árnason, þingmaður Sjálfstæðisflokksins, í samtali við mbl.is. Mynd á Facebook-síðu Sjálfstæðisflokksins í Suðurkjördæmi þar sem Vilhjálmur segir umferðaröryggi vera númer eitt hefur vakið talsverða athygli.
Þar sést Vilhjálmur standa við Grindavíkurveg en í bakgrunni má sjá lögreglubíl. Lögreglan á að vera hlutlaus stofnun í samfélaginu en mynd Vilhjálms er notuð til að auglýsa Sjálfstæðisflokkinn vegna alþingiskosninganna á laugardag.
Vilhjálmur segir að þetta hafi verið lögreglumaður úr Grindavík, sem hafi verið við venjubundið eftirlit á veginum og hann hafi keyrt einu sinni þarna framhjá. „Þetta var mjög saklaust.“
Einn notandi á Facebook skrifar undir myndina að hann hafi ekið framhjá þegar myndatakan fór fram, á blindhæð. Ljósin á lögreglubílnum hafi verið blikkandi og viðkomandi hélt að hann væri að keyra fram á slysstað, ekki auglýsingamyndatöku.
Vilhjálmur segir að þetta hafi ekki horft svona við honum en bíllinn hafi ekki verið á blindhæð. „Hann keyrði hægt og setti ljósin á meðan myndinni var smellt af og hélt svo áfram. Þetta tók mjög stutta stund,“ segir Vilhjálmur en hann bætir við að þetta hafi verið sýnileg löggæsla á hættulegum stað:
„Þeir voru sýnilegir á Grindavíkurveginum, sem er mjög hættulegur. Þetta var sýnileg löggæsla og við nýttum tækifærið á meðan og tókum myndina.“
Æskuvinur Íslendings myrtur í Noregi
Handteknir eftir myndatöku í Vesturbæjarlaug
Gígbarmurinn hækkað frá því í gær
„Umsátursástand“
„Á réttri leið en nokkuð í land ennþá“
Veiting hvalveiðileyfis ekki brot á EES-samningi
Shakespeare fannst í skókassa
Sex hafa greinst með listeríu