Tveir eru líklega alvarlega slasaðir eftir árekstur bíls við snjóruðningstæki á Suðurlandsvegi til móts við Ketilsstaðarskóla við Vík í Mýrdal. Ökumaður snjóruðningstækisins er líklega ekki slasaður, að sögn lögreglunnar á Suðurlandi. Þyrla Landhelgisgæslunnar hefur verið kölluð út.
Vegurinn yfir Reynisfjall er lokaður tímabundið vegna slyssins.
Tveir farþegar voru í snjóruðningstækinu. Tilkynning um slysið barst klukkan 15:39. Sjúkrabílar frá Vík, Hvolsvelli og Selfossi voru kallaðir út og er einn þegar kominn á staðinn auk lögreglu.